【武漢肺炎】10.2衛生署醫管局記者會(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

中秋|生活旅客博客

2020-10-2 21:00
字體: A A A

轉眼又到中秋。

由於疫情關係,今年中秋留喺臺灣渡過,印象中係第一個獨處嘅中秋。

其實話獨處亦唔係完全啱,因為有朋友嘅寶貝毛孩這段時間咁啱要喺我屋企寄宿,大家都有個伴。

對華人嚟講,中秋同過年一樣,都係大節。以往即使喺任何地方工作,中秋都會返香港同屋企人同朋友渡過,熱鬧一番。

前年中秋雖然身在臺灣,但屋企人都過咗嚟,喺花蓮渡過。所住嘅民宿老闆娘重整咗餐極豐富嘅晚餐請我哋同佢兩公婆一齊享用。今年初老闆娘已將民宿賣盤退休,專心湊孫。

而舊年雖然香港嘅社會運動進行得如火如荼,但都返咗香港過中秋,只係同朋友聚會都盡量避開有活動嘅地區同時段而已。當時諗住應該係比較多限制嘅一個中秋,卻冇諗到今年嘅限制更多。

估唔到3年間嘅中秋,世事變遷咁大,波譑雲詭,亦出乎好多人可以計劃嘅範疇。原本熱鬧歡愉嘅節日,變得冇晒氣氛。

今年岡山這邊天公造美,由迎月到賞月都清晰可見,同朋友嘅寶貝毛孩共處,係咁多年嚟最平淡但又平靜嘅節日。相信多年後懷緬這段時光仍然會感覺特別吧。

睇新聞,迎月夜嘅香港卻無端端迎嚟一場黑雨,似乎連上天都繼續同香港開玩笑。而喺追月日嘅朝早,聽新聞話美國會批出部份「難民」配額畀香港人,就更加覺得悲哀。

年輕時讀蘇軾嘅《水調歌頭》,「但願人長久,千里共嬋娟」唔會有咩特別感覺,但這兩年香港嘅變化,卻令人喺中秋諗起這兩句詞嘅時候份外感觸。

無論如何,祝願我所有嘅朋友同屋企人,無論身處香港或異鄉,都平安健康,保守初心。期待捱過疫情後再敍,明年中秋能夠回復往昔熱鬧繁華。希望仍在人間。

2020. 10. 2

年輕時讀蘇軾嘅《水調歌頭》,「但願人長久,千里共嬋娟」唔會有咩特別感覺,但這兩年香港嘅變化,卻令人喺中秋諗起這兩句詞嘅時候份外感觸。

今年岡山中嘅月落和日出。
祝願我所有嘅朋友同屋企人,無論身處香港或異鄉,都平安健康,保守初心。期待捱過疫情後再敍,明年中秋能夠回復往昔熱鬧繁華。希望仍在人間。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年10月2日 下午9:00

發表評論

讀取中…
【武漢肺炎】張竹君未如其他抗疫公僕獲榮譽勳章 《信報》:或留明年頒授更高榮譽