【游清源隨想(重溫版)】害群非馬|游清源

有冇聽過奴隸論?|銘爺|的士佬隨筆

2020-10-17 10:00
字體: A A A

中年男子四十零歲,略帶鄉音!
司機唔該,銘軟施姐!
???係唔係北角名園西街吖?
係呀,唔該!
師傅,生意好返啲未呀?
平時嘅五六成咁上吓,
唉!都唔知仲要搞幾耐?
啱啱電台新聞報導,藏有索帶青年,被判有罪!
唔係掛,藏有索帶都係罪?
那邊廂,愛國人士持有攻擊性武器,襲擊他人,判得輕過藏有索帶?
師傅!香港已經很好!
在內地跟政府對抗,全都消失,所以我才來香港!
哦!而家殺到嚟香港,咁你下一步可以去邊?
靚仔!
你有冇聽過奴隸論?
什麼奴隸論?
時間有限我長話短說!
即係你個主人,每日都會打你十騰!
點知有一日佢心情好好,只係打咗你六騰,
你就開心到,返去攬住個老婆講,主人今日只係打咗我六騰,仲要慶祝咁滯!
靚仔!問題唔在於,打六藤定係打十藤!
問題在於,我係唔需要畀個主人打!
師傅!依你意見,那有什麽方法可以不需要畀主人打?
所有嘅奴隸一起説不!
但係你個主人都係冥頑不靈,都係要郁手嘅,
唔還手擋吓都要吖,唔好戇居居好似以前咁,企喺度俾佢任打!
名園西街,藍絲重地!
竟然到落車,都無同我駁嘴,少有!
喂喂喂!
阿銘爺!
良禽擇木而棲
良臣擇主而事
開工啦!
下一站:
清風街(天后)

(圖片來源:台灣蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年10月17日 上午10:00

發表評論

讀取中…
建制派攻擊政府更凶更狠?|王陸|關公拆局