特首辦稱林鄭在深圳期間曾與習近平寒暄 但沒安排會見

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

肉燥飯|生活旅客博客

2020-10-17 21:00
字體: A A A

雖然臺灣嘅肉燥飯好出名,但一直到最近,至喺經常幫襯開嘅屋企附近小店第一次食,而且一食就愛上咗。

一直幫襯嘅這間小店,由一位阿姨獨力經營。佢應該已經退休,聽佢講個女亦已成家,有兩粒孫,都好孝順佢。仍然經營小店係為興趣同打發時間,唔想喺屋企齋坐。

之前我只會食佢煮嘅蛤仔粥或湯粉,因為食過好食,就冇試其他嘢。後來佢叫我食炒飯,可以講得上係我到目前為止食過最好食嘅炒飯。於是又食咗好耐一排冇轉口味。有次問佢點解啲炒飯可以咁好味,佢就話係因為「用心煮」,頗有廚神級嘅口吻同哲理。

但後來因為佢一個人經營,炒飯需要嘅工序又多又辛苦,就冇再賣這味。有好多次我想求佢復牌賣炒飯,佢都唔肯,好有性格。

冇咗炒飯食,就改咗口味食雞絲飯。一如既往,因為食咗覺得好食,又狂食咗一排冇轉選擇。直到最近有一次佢撈咗啲肉燥喺雞絲飯入面,至發現原來肉燥都勁好食,就開始咗食肉燥飯。

講返這位阿姨,真係好好人,又有性格。可能見我成日幫襯,又有幾次帶香港同加拿大嚟嘅朋友專登幫襯佢,所以對我真係特別好。好多時我晏晝帶我嘅毛孩朋友一齊到佢舖頭買午餐外賣,佢都會額外送啲卤蛋或豆腐喺餐盒入面。好多時更將佢屋企自家種嘅大大隻芒果或者芭樂送畀我食,唔要都唔得。

因為受得佢「恩惠」太多覺得唔好意思,想送番啲小禮物畀佢,佢就點都唔肯收。後嚟我聽佢講佢兩位孫仔好鍾意迪士尼,所以返香港或者去東京迪士尼時就專門買咗啲迪士尼產品畀佢兩位孫仔,佢至勉強肯收。

老實講,我每次幫襯佢,都只係100蚊臺幣而已,但佢送畀我嘅水果如果要買,分分鐘都過200蚊。

一碗飯所盛載嘅除咗地道嘅臺灣美味,更矜貴嘅,仲有嗰種濃濃嘅人情味。

真感恩生活中遇見嘅每位好人。

2020.10.16

屋企附近小店阿姨賣嘅肉燥飯,超級美味。食咗真係感覺到咩係齒頰留香。

屋企附近小店阿姨賣嘅肉燥飯,超級美味。食咗真係感覺到咩係齒頰留香。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年10月17日 下午9:00

發表評論

讀取中…
【12港青送中】環保少女上載持「#SAVE 12 HKYOUTHS」標語照 響應聲援被捕港人活動