【游清源隨想(重溫版)】歲月的童話|游清源

問題係諗橋嗰班友|銘爺|的士佬隨筆

2020-10-31 10:00
字體: A A A

阿姐!點呀?
泳池放寬可以游水,但上岸要戴口罩!
堂食放寬至六人,但限聚令依然維持四人!
早兩日同個老友,晨咁早九點,去球場玩飛碟,將啲雜物擺喺球場邊長凳!
玩玩吓,竟然有實Q行埋嚟同我哋講,唔可以放啲雜物喺張凳到!
點解?未開放?
唔好意思,球場就開放咗,但係啲座位仲未解封!
吓?即係點呀???
咁我哋將啲雜物放落地,咁得喇掛!
無奈嘅實Q,望住我哋兩個冇出聲!
我繼續同個實Q講,得㗎喇,唔會令你難做!
兩個人,四隻手,即刻將啲雜物放哂落地吓!
可能實Q哥哥見我哋咁合作,忍唔住講咗兩句!
我都唔想麻煩你哋,規矩落咗嚟,一定要同你哋講聲,見到唔出聲,我哋會俾人投訴!
得啦靚仔,明白你哋難做!
唔係你同我嘅問題,問題係諗橋嗰班友,都冇諗過執行上嘅困難,根本就係搵我哋市民嚟搞!
實Q哥哥拋下一句,你哋慢慢玩,一個轉身就行返去蛇竇!(休息室)
喂喂喂!
阿銘爺!
座位未解封,
球場開放咗!
堂食可六人,
限聚就四位!
危機處處,陷阱重重!
係乜野玩法?
五、大、光、時!
開工啦!
下一站:
港島東(鰂魚涌)

(圖片來源:香港電台視像新聞 RTHK VNEWS YouTube影片截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年10月31日 上午10:00

發表評論

讀取中…
保護拜登,損害傳媒公關行業|王陸|關公拆局