【內會風波】至少7民主派涉5月內會衝突被捕 警指涉違《立法會(權力及特權)條例》

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

由港大到國泰|生活旅客博客

2020-10-31 21:00
字體: A A A

港大,係兒時嘅童話堡壘。小學3年班屋企由九龍搬到港島,入讀嘅小學喺正港大正對面,每日返學都可以仰望到一座有如堡壘嘅宏偉建築,如是者,直到中五。嗰陣成日都幻想自己入到港大,卻因為蠢,甚至從來冇膽量真正行過入去。直到讀完城市理工,至知道入港大唔使一定考到入去,而係可以用訪客身份就咁行入去,至第一次真正踏足港大這間仰望已久嘅聖殿範圍。

未考入城市理工前,就趁長暑假打工,用畢業生身份考咗入國泰訂位部,喺太古返過兩個幾月工。

當年國泰正值全盛時期,大量請人。入職第一個星期係上堂,學點樣操作電腦幫打電話入嚟嘅客戶訂位,基本嘅顧客服務技巧等。

訓練完咗就開始喺訂位部接電話,真正開始工作。記得嗰陣國泰已經用Buddy嘅模式帶新人。更令我驚喜嘅,係返工未夠兩個月,公司就安排咗整個訂位部門嘅同事分批去澳門接受顧客服務培訓,三日兩夜,住文華東方。雖然嗰陣我只係個未過試用期嘅員工,都居然有得去,而且更因為編配上嘅安排分配到自己一間房。去到澳門,原來重有嚟自新加坡、韓國、日本以至法國嘅同事,令我歎為觀止。

如是者,生平第一次出trip就係拜國泰所賜。其中令我印象最深刻嘅,係培訓課程教我哋,喺特殊情況下如果真係畀唔到顧客需要訂嘅航班時段,甚至可以幫佢哋查吓其他航空公司有冇類似時段嘅航班,並且通過公司與公司間嘅聯繫幫佢哋訂其他航空公司。這種將自己客戶轉介到競爭者方面嘅特殊手法,令我好驚訝。但培訓導師解釋咗顧客至上同雙贏嘅概念,令我茅塞頓開。喺上世紀80年代末,國泰嘅管理同營運模式的確好卓越。果然培訓完咗之後,有兩次都因為特殊情況真係幫顧客訂咗其他航空公司,重收到讚賞。

當然,國泰嘅經歷只限於3個月內嘅暑假。到辭職嗰陣其實都自覺唔好意思,反而主管知道我因為要繼續讀書,冇怪我原來只係做暑期工心態,重吩咐我要畀心機讀好書,至會有更好嘅前途。

忽然諗起這些往事,只因這星期接連發生喺港大同國泰嘅事件。所有影像交疊,往事如烟塵,直似夢一場。

港大、國泰,以至香港,都彷如消怠中嘅繁盛年華,喺記憶裡漸趨糢糊,流逝於歲月之中。

2020. 10. 29

(圖片來源:Cathay Pacific 國泰航空 Facebook)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年10月31日 下午9:00

發表評論

讀取中…
虛幻華麗變身|陳頌紅網誌