【游清源隨想(重溫版)】一夜傾城|游清源

重賞之下必有勇夫!|銘爺|的士佬隨筆

2020-11-21 10:00
字體: A A A

重賞之下必有勇夫!
犀利!懸賞一千萬緝拿刀手,我估喺香港開埠以嚟,最高懸賞嘅都係呢次掛!
話説早幾晚凌晨,路過深水灣香島道某號數嘅獨立屋!
平時重門深鎖嘅大宅,今次見中門大開,最少有六至七部衝鋒車,分別停喺大宅內外,煞有介事,如臨大敵!
小弟路過蜻蜓,只係當一般豪宅爆竊案,並冇再深究!
殊不知!
瞓醒上網,先知並唔係爆竊咁簡單,而係大宅主人同佢嘅近身喺灣仔君悅酒店附近比多名刀手追斬!
而大宅主人何許人也?
正是鼎鼎大名,阿里巴巴創辦人,馬雲嘅頭號愛將,錢姓商人,圈內人稱,錢多多!
近身在護主之下,當場身中多刀,多多喺混亂之下亦中一刀,刀手事後逃去!
事發後,外界揣測是否涉及利益衝突!
利益與否,小弟不大興趣,最令小弟覺得好笑嘅係!
對方出錢搵刀手斬你,
你就出更加多嘅錢,搵返斬你個刀手出嚟!
假設對方出300萬,而你就出1000萬,對方執咗你700萬,交返個人畀你,好唔好?
五、缺、光、時
喂喂喂!
阿銘爺!
有錢使得鬼推磨
開工啦!
下一站:
新鴻基中心

(圖片來源:網上影片截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年11月21日 上午10:00

發表評論

讀取中…
今天的戰狼何其寂寞……|王陸|關公拆局