【元朗襲擊】市民形點叫口號紀念721 警舉紫旗警告違國安法(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

岡山的食|生活旅客博客

2020-11-21 21:00
字體: A A A

岡山係高雄市嘅舊區,日治時代已經好繁華。

由岡山到左營市區,坐臺鐵其實只需10零分鐘,反而坐捷運就要20幾分鐘,主要因為捷運要兜多幾個新發展嘅站地。當然臺鐵班次冇捷運咁密,但岡山係大站,好多班車都會停。所以如果夾啱時間,坐臺鐵其實比捷運更方便,又平。

因為已經有相當嘅發展,岡山區內嘅食肆,尤其係有臺南特色嘅小店其實好多。近年更發展咗好多外賣服務,比較一般新發展嘅社區,其實更為方便。

喺岡山除咗臺南小食外,最多嘅係越南式餐廳。這些都唔係咩大型餐廳,而係同臺南式食店一樣,都係住家式。原來係因為有好多越南女仔嫁到臺灣。佢哋都好識煮飯,就會由夫家打本開個店面賣越南餐。一般選擇唔多,都只係啲湯粉、涼麵、春捲,同法國麵包等幾種,但就好有地道越南風味。

另外就係日式咖喱類飯店,多數由臺灣人自己經營,味道比市區賣嘅定食並唔遜色,但價錢就可平成一半。喺市區一份日式咖喱定食要過200臺幣。喺岡山,100臺幣就有交易了。

更難得嘅係近年岡山區重開咗一兩間港式點心茶樓,排場當然唔及香港嘅酒樓,都係小店舖。但喺岡山區內就算係比較有規模嘅食肆。但佢哋並冇香港嘅早茶,只做午市同晚市。一般人均消費要60至80港幣一餐,喺岡山區可算係高價,但仍然比市區平。可能因為港式點心嘅製作同用料都比較講究,師傅人工又比較貴,所以相對反而比香港好多早市飲茶嘅價位更貴,而味道當然就唔及香港嘅地道。

比較起上嚟,講飲茶食點心,就始終係喺香港更勝一籌。相信真係冇咩地方可以及得上。無論香港點改變,有啲嘢,其實係改變唔到,亦係無可取代的。

2020. 11. 20

 

岡山最流行嘅臺式食品肉燥飯。大大碗又足料,只盛惠10蚊港幣。

岡山有好多越南小食店,都係嫁嚟臺灣嘅越南女仔開設。食品款式唔多,但就好有地道越南風味。

岡山區內嘅日式定食比市區平一半。成份定食連飲品,大概港幣25蚊就有交易了。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年11月21日 下午9:00

發表評論

讀取中…
最新跡象變相預告,美中會為一事開拖!