高雄的海堤｜生活旅客博客

高雄係漁港，有好多靠海嘅地方。

岡山附近就有永安同彌陀兩區，都係漁鄉，揸車大約30分鐘就到。

高雄嘅冬天唔會太凍，一般20度左右，又大風，有陽光。喺這種天氣下漫遊吓海邊係好舒服嘅一種享受。

喺彌陀同永安除咗可以看海，重有好多沿住海堤築建嘅漁塘，喺冬日晴朗嘅日光映照下顯得明亮而寧靜。

當世事太紛亂，可以放低手機，避開一則又一則由香港傳嚟嘅負面新聞，揸車去到這些漁鄉，彷彿進入另一個平行時空，係幾好嘅調節心情嘅方法。

今期分享幾幅喺彌陀區漯底海堤隨意影嘅相，希望畀大家一同馳想吓廣闊平靜嘅空間，稍為由煩擾嘅現實中抽離片刻吧。

2020. 12. 3

彌陀漯底路海堤一景。

喺晴朗嘅冬日到海堤行吓，感覺寧靜而舒懷。