【武漢肺炎】1.16衛生署醫管局記者會(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

三說移民|生活旅客博客

2021-1-16 21:00
字體: A A A

之前曾經兩次談及移民嘅話題。今次都係講移民,但就係最近比真實移民更流行嘅網上移民。

因為WhatsApp嘅新政策要求用戶同意將個人資料與FB分享,引發大批用戶轉用Signal或Telegram,而FB用戶亦逐漸流向MeWe。近幾日,好多用家喺FB分享MeWe嘅QR Code或Link通知朋友轉場,好熱鬧,亦幾諷刺。

老實講,作為一般用家,對所謂嘅私隱其實係咪咁大關心,抑或更多因為對WhatsApp同FB網絡霸權嘅不滿,或純為湊熱鬧而轉場?相信其中更多涉及後兩種原因。

事實上,近10年間網絡通訊急速發展,只要用得網絡,重有幾多私隱早已成為疑問。

比如喺臺灣,用健保卡嘅App,除咗由盤古初開嘅病症都可以睇到,甚至連幾時同喺邊買過政府配給嘅口罩都清楚有記錄。

去稅局可以查到所有個人資產清單。

上網交電話電訊費,用App直接連接到銀行過數。

揸車出街即使冇帶車牌同身份證,警察都可以根據車嘅資料即時查到車主身份。

去超市或大商店買嘢嘅App亦可以直接聯網到銀行扣數。

更甚者,試過寄一次掛號信留低過資料,第二次再寄時郵政系統都可以自動調出你嘅記錄。

所謂個人私隱其實都喺政府或商家數據庫中,只係信任問題。你信政府或商家,就唔會覺得私隱被侵犯,反而覺得方便,又唔使自己記咁多嘢。有咩需要,用個App撳兩撳就可以查番晒啲記錄同做到嘢。

相反,你唔信政府,就樣樣都難免被陰謀論,覺得政府喺度監控你。

今日喺WhatsApp同FB出現嘅移民潮,相信好多亦係因為佢哋嘅霸權式條款,同對於唔啱聽言論肆意封鎖嘅不滿。

而對於香港政府嘅甚麼安心出行Apps大部份人同樣唔信任,都係因為對政府唔信任嘅根本原因。

當然,香港人暫時重有得揀。無論咩理由,你仍然可以唔用WhatsApp轉用Signal、唔用FB轉用MeWe,同堅持唔裝政府嘅廢Apps。

相比之下,大陸人連選擇嘅機會都冇,只可以用晒WeChat。

除咗Signal同Telegram,LINE都係一個好好用嘅通訊Apps。 其實幾年前都曾經喺香港流行過,但當時因為load得好慢同廣告太多,潮流好快就散退。自己當年裝咗冇幾耐都剷咗。但時移世易,今日臺灣同日本都好流行LINE,軟件設計亦大有改善,又方便,貼圖又靚。

考慮網上移民嘅朋友都不妨重新審視吓用LINE嘅可能,亦不失為一個好唔錯嘅選擇。

2021. 1. 15

(圖片來源:網上圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2021年1月16日 下午9:00

發表評論

讀取中…
美制裁譚耀宗等6人,真正原因原來係咁……