【游清源隨想(重溫版)】民主不是人民當家作主|游清源

可否話聲畀小弟聽,日後喺香港點樣可以守規矩!|銘爺|的士佬隨筆

2021-3-6 10:00
字體: A A A

循規蹈矩?
小弟雖然讀書唔多,
但都知道乜嘢係規矩!
仲記得犬兒大約十五六歲左右,問咗小弟一個問題!
老豆!有乜嘢做得?
有乜嘢唔做得?
喺毫無準備之下,
個仔突然間咁樣問,
即時石化咗三秒,
稍為定一定神!
哦,其實冇一個準則!
因為唔同地方,有唔同嘅規矩同法例!
例如你喺美國某啲州份吸食大麻,係合法嘅!
甚至有啲州份,已經將大麻列入藥用,甚至係專攻癌症!
大麻喺香港仍然屬於毒品!
規矩唔係死嘅,係生嘅,要悉執生,要因時制宜!
所以,當有猶疑,但係又要做出決定,記住三樣嘢!
第一!
呢個行為,會唔會導致你有所損傷甚至死亡?值唔值得?
第二!
呢個行為,會唔會影響你日後嘅前途?
值唔值得?
第三!
呢個行為,會唔會令到身邊嘅人反感及不安?
值唔值得?
個仔聽完,諗咗一陣,
繼續做佢嘅嘢!
當時我都唔知佢明唔明㗎,盡量啦!
喺今時今日,當權嘅就叫你繼續守規矩!
但係啲規矩就朝令夕改,點跟呀?
今日犯緊尋日嘅法?
話拉就拉,話鎖就鎖!
一直秉承著,守法嘅弟兄姊妹點睇?
可否話聲畀小弟聽,日後喺香港點樣可以守規矩!
到時個孫用普通話問我,唔識答,就醜死怪啦!
喂喂喂!
啊銘爺!
流寇作君,兇狠萬分,
侵國滅族,民不聊生!
習中精神,
總動人民,
下詔崗領,
台下震撼!
開工啦!
下一站:
中環纜車站

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2021年3月6日 上午10:00

發表評論

讀取中…
「奇蹟是很少出現的」|陳頌紅網誌