中國最致命敵人唔係美帝,而係……

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

臺鐵|生活旅客博客

2021-4-17 21:00
字體: A A A

好耐冇搭過臺鐵。今日因為要北上臺中會吓朋友,就再坐臺鐵。

初住岡山嘅時候,臺鐵係我最鍾意嘅選擇。因為坐臺鐵出到高雄新左營高鐵站只係兩個站10分鐘嘅車程,而且班次都好頻密,方便過自己揸車。岡山臺鐵站外又有10幾個免費停車位,泊架車喺度就可以出城行成日,真係好方便。

後嚟好耐冇搭嘅原因無他,只係因為好少出城。

至於上臺中,喺岡山搭自強號過去大約兩個半鐘,比起要去到新左營或臺南搭高鐵方便。如果唔係趕時間,我都會揀臺鐵,坐吓火車欣賞吓沿途風景,係一件賞心樂事。

今日搭臺鐵嘅心情卻同往日有啲唔同,最主要係因為月初剛發生嘅臺鐵太魯閣段意外,仍然令人悲戚。

一宗人為嘅疏忽失責引至咁嚴重嘅傷亡,係好大嘅悲劇,亦引起公眾對改革臺鐵嘅呼聲。

伴隨住某啲政黨政棍嘅炒作同另一邊廂民眾踴躍捐助傷難者家屬,喺半個月內已籌得超過9億臺幣善款,種種紛擾暫時稍為平靜。只希望臺鐵能夠落實改革,而傷難者同家屬都能夠早日平復心情和傷痛吧。

今日坐臺鐵,另一番滋味。但無論人生旅程係點,行程總係要繼續的。

2021. 4. 17

岡山火車站

因為要北上臺中會朋友,搭番次好耐冇搭嘅臺鐵。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2021年4月17日 下午9:00

發表評論

讀取中…
【武漢肺炎】2021.4.17衛生署醫管局記者會(有片)