老坑講呢啲網誌│死牛一邊頸

陳建平網誌│楊千嬅與古巨基──為何要玩死自己?

2014-7-20 11:04
字體: A A A

走出comfort zone,嘗試新事物,本身的確是好事,但也應該要根據自己的能力知所進退;最重要的是,如果最後失敗了,亦應該坦白承認並收回再做,不要任由那件作品繼續流傳。

今個星期說的,是楊千嬅,唔講咁多,各位請睇睇佢呢個最新MV先:

對不起,我知佢啲fans會好憎我,但恕我坦白d講:呢個MV係災難性!呢首歌也是災難性!其實大家見到YouTube咁多dislike都應該見到個民意……

即係咁,我唔係要否定楊千嬅呢個人,其實佢有好多歌我都好鍾意,只係覺得人應該做自己擅長的事,即係無理由叫愛恩斯坦走去做職業足球員架,咁點解楊千嬅明知自己國語唔好,都要唱國語歌,仲要係快歌,仲要跳埋舞……老實講,佢偶然試下突破自己,唱下性感嫵媚的歌,不是不可以的,但要量力而為,例如我覺得《烈女》就是恰到好處的成功作品,好聽,MV又睇得舒服:

今個星期,另一個令我好深感受的人,是古巨基。但與楊千嬅不同的是,古巨基係重新拾起自己擅長的事情,不再矯揉造作,唱咗一首令人聽到想喊的歌,大師兄,你番嚟啦!

其實古巨基最叻就係唱呢啲小品歌曲,只要唔好撚聲,唔好嘗試rock歌、索叫索玩的歌曲,就會好聽到震。即係咁,我覺得以下就是其中一首失敗作品,可以媲美楊千嬅首《色惑》……

古巨基係唱呢啲歌架咩!唔係!唔係呀!佢係唱《歡樂今宵》、《愛與夢飛行》架!但好彩,其實佢近年已開始重回正軌,上年的《告別我的戀人們》,其實也是佳作,多得陳輝陽的編曲:

(撰文:陳建平)(《色惑》MV截圖)

請支持我們持續發展,透過PayPal或其他方法贊助我們!
金額:
分類:|發表於2014年7月20日 上午11:04

發表評論

讀取中…
莫紫瑩網誌│政府當了我們是「進擊的巨人」