我哋只係一日,香港已有20萬人,身水身汗,熱情十足咁行出嚟,香港人可以唔感動嗎?

陳玨明網誌│愛恨香港100個理由30──張融?曬馬?收貔啦!

2014-7-20 13:19
字體: A A A

原來,在不知不覺間,「張融」已經成為了我心目中,2014年香港最難頂的「東西」之一。

當你睇住佢鍊住堂眉,然後七情上面扮晒正義凜然再之後趾高氣揚對住全香港人講:「呢個情況,好耐、好耐、好耐冇出現過,因為佔中犯咗香港人眾怒,太過份……聽日就係香港人企出來日子的開始」時,呢個人,已經是令香港進入是非黑白不分仲要顛倒來講的時候,話佔中令下一代無得揀,仲話為害下一代時,我真心至誠祝福佢,「出得來行,遲早要還」:「你最終一定會自食其果的」,因為究竟係邊個在教壞細路,邊個係大話連篇,你估真係冇人識分咩?

然後當張融整個聯盟出來反佔中,然後親中建制派在指揮棒一揮下齊齊歸隊,幾十人齊齊一字排開顯示反佔中的力量是何等的強大何等的不可一世,幾乎以為是社團人士在「曬馬」,家陣劈友呀?人多就得?

今天香城群魔亂舞,情況其實令人好痛心!外國的例子,就算在發展中地方,助紂為虐者,人家是種大條道理惡晒的,又焉會好似張融咁,施暴完之後仲話你令佢有性衝動,要將你遊街示眾!香港以為自己是國際都會,是個文明城市,但真實是最會自欺欺人,童叟無欺呢支歌早已絕跡,以張氏為首的,最叻係呃阿婆香港會暴動,最勁係令遊客以為香港會有暴力,卻對香港沒有真民望沒有真普選等隻字不提,「三個字」:「無膽匪類」!

如果真係要簽名,但願簽名表格上,除四大宣言之外,可以再加上「我支持公民提名」、「我支持無篩選普選」、「我支持689下台」、「我支持張融收貔」等,因為我相信,呢堆先係真正的人民聲音!

再打開個幫港出聲專頁:

二十萬人的記錄,we are proud of you(那年六四百萬人上街,七一50萬人上街個紀錄,比你堅好多)

一天二十萬人出來簽名,汗水加熱情,是破了全港有史以來的記錄。(簽個名要流幾多汗呀?又要幾熱情呢?仲話「破了全港有史以來的記錄」,咁五區公投時你當香港人死的嗎?)

佔中九天才有七萬人行出來投票,香港人們求和平,求普選,不要暴力及佔中,只一天就多過「佔中」三倍行出來了,這是否新聞?(哈哈哈!)

任何表達意見的人都是認真的。我們尊重所有表達意見的人!二十萬人這歷史性的集體表態,更值得尊重,社會更應注意。(放心,大公文匯一定幫你大力吹捧)

假如你今天看你常看的報紙,感覺不到這份看重,這份尊重,不要氣餒,香港有立場的傳媒,是這樣吧。(原來連你都唔睇大「文大商」唔當佢哋係傳媒!)

不被一些報紙看重,甚至貶抑下的記錄,難道不是一個難得的記錄?它更是歷史的一部分。大家創造了歷史,請用組羣力量,把這個歷史記錄互傳出去。

You should be proud of yourselves. We are proud of you.

昨天的二十萬只是開始,那只是三十天簽名運動的第一天,讓奇蹟,把記錄繼續下去。(是的,記得要繼續努力,令簽名人數打破1億噢!)

多謝您們,香港人!(香港人有日一定會多得你唔少的!)

請支持我們持續發展,透過PayPal或其他方法贊助我們!
金額:
分類:|發表於2014年7月20日 下午1:19

發表評論

讀取中…
老坑講呢啲網誌│死牛一邊頸