神奇貓咪自行出「手」 開機喝水解酷暑

阿健網誌│大陸土豪,你以為有幾多搭的士時會俾貼士?

2014-8-3 15:16
字體: A A A

早幾日喺銅鑼灣怡東酒店接到個大陸客,佢一上車已經喺度投訴,話等咗10架車都有,冇一架肯車佢去落馬洲,大熱天時足足等咗成45分鐘,話香港啲的士服務態度差到不得了。我笑說:「你唔好彩啫,不過唔緊要,你遇到我,因為我咩客都會接嘅。」

我解釋俾佢聽,因為有好多司機都怕咁遠,回程如果冇客,就油錢都蝕埋,所以佢哋寧願做多幾轉短途好過。但我就唔同,我就覺得人算不如天算,講唔埋我又接到個客返出嚟呢,邊個知呀。

言談間,佢問怕唔怕佔中會影響中港關係、香港經濟;我又講到搶奶粉、土豪扯高香港樓價,加深中港矛盾等等。喺車程中,我哋都好好傾,原來呢個客係大陸公司高層,收入都唔錯,佢落車仲畀咗張500蚊叫我免找,仲喺咁多謝我,話如果唔係遇到我,都唔知仲要等幾耐。其實車資只不過300幾,有成百幾蚊貼士,我都好開心。

近年真係好少有客人畀貼士,最多都係收齊頭。宜家肯畀貼士嘅,大多數都係外國人,佢哋都係畀十蚊八蚊。大家又估唔估到,原來一蚊都要計到最足嘅,反而係日本人同韓國人。啲大陸土豪喺車度高談闊論,又話買咗幾多萬名錶,幾多萬皮包,結果落車斗零都冇畀多。香港人就……算吧了。

(香港巴士大典網站截圖)

請支持我們持續發展,透過PayPal或其他方法贊助我們!
金額:
分類:|發表於2014年8月3日 下午3:16

發表評論

讀取中…
田北俊:(2017選特首)到底係半杯水、一杯水,真普選、假普選,我哋唔理,最緊要個個有得選一選先。