即時關注│大陸炫富女 「及時」與中國紅十字會切割

史物夫網誌│國富論│共產黨向地產黨開火?

2014-8-4 14:37
字體: A A A

長和系業績,財經媒體以至一眾素人,其實都係對誠哥金句興趣大過數字。無他,今時今日邊有人揸長和,貪佢夠悶咩!

好可惜,上星期長和系業績會,誠哥並無現身說法。其實去年中期業績,誠哥已經交由Victor去打理,無謂想錯隔離。

真正事有蹺蹊,反而是大陸媒體大合唱「喪插」誠哥囤地。我第一個反應:「邊個咁大整蠱呀?」

正當社會棟樑熱烈地彈琴熱烈地唱:「爽呀喂,鬼打鬼。」中環人就非常心寒。

今時今日大陸吹無定向風,周永康一樣被人「開拖」。不過,誠哥何許人也?就算點樣鬼打鬼,都冇理由燒到誠哥。

誠哥並非大陸官場中人,雖然明眼人都知,誠哥同大陸政要權貴,關係非比尋常,權力鬥爭,換個人,利益依舊。大陸官場,只問利益,不問立場。想要好處,何用出動輿論機器?開聲啦!

另一個坊間傳說,就係誠哥紅顏知己同大少鬥法鬥到上枱面。知己大陸多朋友,大少就比較有原則,在商言商,揸正來做。今之明砌大少,嘩,目標都好明確吓喎。

最流嘅可能性,就係思歪借機出氣,反擊誠哥。不過,思歪喎,邊有咁大能量吖,當笑話聽算啦。

加多句:香港咁多間傳媒,得一間文匯報講誠哥大陸囤地單料……係囉,點解嘅?

史物夫

(網絡圖片)

請支持我們持續發展,透過PayPal或其他方法贊助我們!
金額:
分類:|發表於2014年8月4日 下午2:37

發表評論

讀取中…
王丹:因為我們是狗熊。對於公平,正義,自由這樣的價值性議題,抓住一個,就忘了另一個;有了新的,就淡忘了舊的。