簡敬禧網誌│給你再選一次投胎之門

名人說：討厭嬌生慣養的人，她最大的幸福是有讓她供養的父母，讓她知道甚麼叫「責任」。
嗯，有父母在身邊是幸福的，偶爾可以給他們一些生果錢，讓他們上茶樓過日晨吹水睇報紙講是非過半天也是件很「愛回家」的溫馨逸事……但，等等……我想起一宗小事。
有天，在一輛小巴上，聽到背後有一對年輕男子的對話。
A：呢排做緊乜？
B：傳銷，A字頭，好大間嘅呢……
A：哦，聽過，你之前唔係做洗頭嘅咩？
B：間嘢執左啦。
A：但係傳銷……搵到食咩？
B: 無得揀架！你知唔知道，我老豆今年六十幾，阿媽都六十，老豆之前做地盤，幾年前隻腳開始唔行得，退左休，佢呢行無退休金架！強積金又無乜錢，咪靠我阿媽做份酒樓傳菜搵幾千囉，今年間酒樓話佢老唔請啦，佢隻眼又有問題，唔可以返工啦，我係獨仔，全間屋水電煤租全部靠我……以家部電話都Cut左上網，你話，我有無得揀？
聽到這裡，我也落車了，那個朋友怎樣回答？我不知道，如果是我的話，我會答：「係，你真係無得揀！俾心機做啦！」

我不會對他說：「你有對可以俾你供養嘅父母，你真係好X幸福！因為你知道咩叫『責任』！好多有錢仔唔知架！」
天下無新事，今天沒有世界大戰，所有艱難處，其實都在日常柴米油鹽生活裡，能壓斷一條腰骨的，就可能只是最後一根稻草。

嬌生慣養不是一個「受者」的罪過，這只是一個父母的教養方式，我聽過很多父母說「仔要窮養，女要富養」的獨特見解，我不會說這有甚麼討厭不討厭的！你是個窮L的話，你想個屁富養！統統都要窮養了。

生在大富之家可能是你前世做得好事多的回報，有錢不用白不用，只要不太過財大氣粗狗眼看人的話，在今天這個社會，你去到那裡還是很受歡迎的。

如果，真可以回到天堂上面那一度投胎之門，天使原來是你上世情人，給你一點優惠，讓你親自選一條投胎之路，一條是千億新抱的半山私家病房，一條是尋常百性綜援戶的公家產房……你會選那一條？
想清楚，一去無回頭！