新聞短打│周融示範破壞香港法治 公然呼籲反佔中人士犯法

阿健網誌│載客載到教客教仔

2014-8-10 15:01
字體: A A A

早兩日單兒子被控肢解父母案真係好得人驚,令人諗起,原來呢個世界可以有人對親生父母狠下毒手?真係好難想像佢哋係咩心態。我好懷疑呢類人成長時會唔會出咗啲咩問題,先做出呢啲咁荒謬嘅事。三歲定八十……

我諗起,曾經車過一對母子,個細路大約八、九歲,一上車個阿媽就一路鬧個仔,話佢點樣唔聽話,點樣成績差,而個細路就駁嘴駁舌。我一路都無理佢哋,正所謂一家唔知一家事,阿媽教仔我多數都唔理,但後尾個阿媽突然出手打個仔,我唔出聲唔得嘞,「太太,教仔還教仔,唔駛打呀?!」

「我教仔關你咩事呀!」

「梗係唔關我事,但係你郁手打個仔就唔啱喎。」

「個仔係我嘅,我鍾意點都得。」(佢再打多幾下)

我忍唔住喝佢:「你再打我就報警,前面就係差館,我而家就車你去。」

佢聽到我咁講之後呆一呆,跟住就停手,同我講話個仔好唔聽話,好百厭,話揍佢好辛苦,自己又冇時間教,講講吓仲喊起上嚟。我見佢有啲激動,跟住我將架車停埋一邊,同佢講教仔要慢慢教,宜家啲小朋友係要同佢溝通多啲先得,打都冇用架。

的而且確,香港人面對好多生活壓力,好多時會發泄咗喺啲唔啱嘅地方,其實只要停一停,諗一諗,個結果就會好唔同。

(網絡圖片)

請支持我們持續發展,透過PayPal或其他方法贊助我們!
金額:
分類:|發表於2014年8月10日 下午3:01

發表評論

讀取中…
蔡東豪:最固執的人,是上了年紀的人,例如我。