即時關注│蔡耀昌施麗珊開記招 促立法阻新移民受歧視

新聞短打│周融示範破壞香港法治 公然呼籲反佔中人士犯法

2014-8-10 15:14
字體: A A A

反佔中大聯盟昨日在新界鄉議局舉行新界區誓師大會,期間身為大聯盟發言人的周融,就死撐向反佔中遊行人士提供交通津貼和膳食「冇問題」,稱就算「請食飯」遊行,也較和平佔中「更崇高、更值得尊敬」,其「禮義廉」行徑,恐怕連以「禮義廉」見稱的政黨都要甘拜下風。

周融又指,有人會「故意」派錢企圖「玷污」他們,同時瞪大眼以義正辭嚴的口吻,呼籲遊行的市民,若見到有人自稱是收錢遊行,就要採取「行動」,「如果隔離嗰人話:『係呀,我係收錢嚟行』,記得用手機影低佢哋,然後圍住佢,唔好打佢呀,唔好打佢呀,圍住佢,叫我哋啲marshal,叫我哋啲糾察隊來,趕佢離開我哋嘅行列。」

問題是,參加反佔中遊行的市民,以至在遊行中維持秩序的糾察,真的可以「圍人」及「趕人」?答案其實是絕不可以,而周融作出如此呼籲,恐怕是完全「露底」,揭示他一邊如何聲言「反佔中、保法治」,一邊卻如何不尊重香港法治,甚至公然呼籲他人破壞香港的法治。

祁皚問過大律師陸偉雄,他直言對周融的言論感到擔心,因為背後涉及頗多的法律問題,而公然呼籲遊行人士「圍人」及「趕人」,更隨時令遊行人士犯上刑事罪行。

「法律上,對方就算係受咗錢來遊行,都唔應該受到干預,而單係『收咗錢』,你點界定先?收500蚊車馬費又係收咗錢,咁資助佢去行又算唔算?然後,就涉及糾察隊究竟可唔可以截停人,其他人可唔可以圍人,同點趕佢走嘅問題。」陸狀解釋說。「如果你圍佢,當然可能令當事人感到人身安全受威脅,或者涉及恐嚇,但其實更明顯嘅罪證係『非法禁錮』,因為你限制佢活動,令佢失去自由。」

陸狀指出,「非法禁錮」不一定涉及實體的「禁錮」,只要「唔畀你離開」,已經可以犯上有關刑事罪行,「跟住你仲要趕佢出隊伍,咁如果佢唔肯,你一有肢體動作,就可能變成普遍襲擊。」

他強調,收錢遊行的人士,本身並沒有違法,如果他有叫一樣的口號,以至只是默默地遊行,「更睇唔到佢擾亂公眾秩序,所以就算叫警察到場,警察都無權要求有關人士離場,咁佢何罪之有,你可以唔畀人遊行?」

他因此反呼籲「周先生」,「佢可能需要再出嚟澄清自己講嘅嘢,最好係先問清楚法律意見,因為咁呼籲他人,市民未必咁清楚法律,聽咗佢講,卻原來係犯法;就算唔係真係犯法,『周先生』作為一個負責人,係有責任令人唔好跌入危機,所以咁呼籲人,真係未必適合。」

(撰文:祁皚)

請支持我們持續發展,透過PayPal或其他方法贊助我們!
金額:
分類:|發表於2014年8月10日 下午3:14

發表評論

讀取中…
阿健網誌│載客載到教客教仔