即時關注│學聯商中環集體罷課 或逾8000大專生參加

伍模凸區│范太炳肥彭  炳得好!

2014-9-4 18:36
字體: A A A

末代港督彭定康喺《金融時報》撰文,叫英國政府要關注人大常委會對政改落閘會點樣影響香港普選進程,話口未完,人大常委范徐麗泰就回應話,以佢嘅理解,《中英聯合聲明》冇提到特首是係由普選產生,所以唔明白點解肥彭會話,冇普選係違反中英聯合聲明嘅講法。

范太呢趟真係炳得好,我伍模都戥佢開心。須知道,肥彭92年嚟香港做末代港督嘅時候,連泰昌餅家嘅蛋撻都仲未食、涼茶第一家嘅花旗參茶都仲未飲,就滾水淥腳咁全面改組行政局,仲手起刀落斬晒議員(除咗鄧蓮如),搞到當時身為尊貴嘅行政局議員嘅范太變成單失中女,後嚟仲連立法局議員個位都唔再留低,淪為雙失盛女,仲吊吊揈過一孖風乾緊嘅東莞臘腸,真係唔嬲就瓦燒嘞!

古語有云,君子報仇,廿二年都未晚,肥彭廿二年前勁糟質范太,范太而家炳番佢轉頭,係天公地道嘅,甚至係大快人心嘅!

 

(原圖取自:蘋果日報)

 

(打手:伍模)

請支持我們持續發展,透過PayPal或其他方法贊助我們!
金額:
分類:|發表於2014年9月4日 下午6:36

發表評論

讀取中…
蔣麗芸:美國共和黨做完兩屆,國家經濟一鑊泡,就輪到民主黨做,民主黨唔掂又輪番共和黨做,做來做去就是這兩個黨的同一班人,市民真的冇得揀。