即時關注│520大學教職員聯署反人大框架

曾鈺成:坦白講,如果《基本法》係今日寫呢,未必寫「普選」兩個字落去㗎。

2014-9-14 16:20
字體: A A A

《明報》今日刊登立法會主席曾鈺成的長篇專訪,讓他詳細講述對政改的看法,當中有不少金句。

曾鈺成表明,為了令政改方案通過,他會不惜投票再辭職,甚至明知自己投票也不足通過方案,都會考慮投票,「表示我都叫盡過一分力」。

他認為,如果2017年沒有普選,將進一步拖垮香港管治,更會嚴重衝擊一國兩制,「一代一代新的國家領導人,到底對堅持一國兩制的決心,是否仲係咁大呢?如果當中國領導人覺得咁鬼煩,你搞呢個一國兩制製造的麻煩係多過一國兩制對於國家主權、安全同發展利益的好處的話,咁點解佢要咁麻煩嚟到幫你搞一國兩制呢係咪?」

他又說,如果今天才寫《基本法》,未必會有「普選」二字,「但冇得揀,寫咗落去就係寫咗落去。時間表都畀埋啦,點有得返轉頭呀?所以我話呢個呢,你話去到今日,中央會唔會有被迫的感覺呢,我唔敢講,我覺得或者有,但係冇法子,冇得收返㗎喎」。

談到競選特首的人選,曾鈺成坦言無論民主派還是自己所屬的民建聯,都似乎無人適合,「你今日見到呢個、眼見的民建聯,已經坐晒喺度嗰啲人,我睇唔到邊個有咁嘅雄心、野心、意願去選(特首),或者佢有咁嘅自信,覺得出嚟選,佢係有機會(當選)。我暫時睇唔到」。

曾鈺成又再次扮演「和事老」的角色,安撫泛民也可能被允許「出閘」。他聲稱曾與一位絕對代表北京睇法的中央官員討論,「如果有一個泛民的代表人物,係民望好高……咁提名委員會都會受到好大壓力,要提佢㗎喎。當時呢位中央官員話,我哋接受呢個現實」。但他亦指,北京可能會付出很大的代價,來「扑低」一個不允許的人。換言之,始終無人能確保泛民可以「出閘」。

對於北京無說明普選如何影響「國家安全」,曾鈺成沒有明確的解釋,只是叫市民相信北京的判斷:「你都知我鍾意嗰啲希臘神話,我哋呢啲喺個戰場上面拼搏嘅人,我哋睇唔到天上發生咩事,睇唔到地底發生咩嘢,我哋點樣識得站喺佢哋角度嚟分析啫……」

問題是,按照曾鈺成這種思緒,以後只要中共祭出「國家安全」四字,香港人就什麼都要放棄爭取了。曾鈺成這番言論,似乎不是站在香港人的立場去說。

請支持我們持續發展,透過PayPal或其他方法贊助我們!
金額:
分類:|發表於2014年9月14日 下午4:20

發表評論

讀取中…
即時關注│黑布遊行路過鵝頸橋 保衛香港運動嗌咪打佔中小人