梁錦松:如果中央不想香港好,就不會與香港簽CEPA及將東江水輸到本港。

8仔踢爆│葉劉「共腔」上身  忽然喪講「鬥爭」

2014-9-20 14:18
字體: A A A

喺2012年特首選舉期間,表示有意參選特首嘅新民黨主席葉劉淑儀近排真係越嚟越風騷,風騷到連臉上嘅粉都厚咗好多、豔咗好多,睇嚟佢真係越嚟越似會競逐2017年嘅特首,成為史上第一個女特首。

可能真係覺得自己鴻鵠將至,葉劉連講句說話都越嚟越有京官味道,好似尋日佢見完人大委員長張德江之後,就話:「委員長已經係知道香港嘅反對派除咗會進行街頭鬥爭,亦都會喺下階段喺立法會搞政治鬥爭,亦都會針對特區政府嘅,咁我哋當然係團結一致支持特區政府依法施政啦,亦都會喺立法會裡面呢盡量係為特區政府護航,唔好因為少數人嘅政治對抗,令到香港停滯不前。」

各位,相信大家都睇到,「街頭鬥爭」、「政治鬥爭」並唔係香港政客慣常用語,一般都只會用「街頭抗爭」、「政治爭拗」,「鬥爭」云云,基本上係源於中共嘅「鬥爭」思維,香港人講出口都會毛管戙。葉劉係港英政府悉心栽培嘅政務官,竟然面不紅、氣不喘、眼不眨咁左一句「街頭鬥爭」,右一句「政治鬥爭」,可見佢為咗得到中共嘅寵幸,而可以去到幾盡。

不過,話時話,葉劉話「委員長已經係知道」,會唔會有泄露國家機密之嫌呢?這個嘛,哈哈,你懂的!

 

(原圖取自:有線新聞台截圖)

請支持我們持續發展,透過PayPal或其他方法贊助我們!
金額:
分類:|發表於2014年9月20日 下午2:18

發表評論

讀取中…
阿里巴巴首日掛牌 股價飆近四成