Dr. Y網誌│子宮內的合法殺人

阿健

-的士佬手記

我叫阿健,的士佬一名,食塵多過你食米,揸車多個你行路。揸一轉的士,甜酸苦辣喜怒哀樂通通見齊。得閒嘅,咪上嚟聽吓我吹水囉。

阿健網誌│十大最唔健康行業

2014-1-19 11:00
字體: A A A

大家最近有冇留意萬寧貓減肥廣告呢?我覺得超得意、勁搞笑,其實我前年已經有留意佢架啦,今次仲搵埋鄭多燕添,認真犀利!不過見到萬寧貓都要減肥,先留意到自己肥咗好多,都係時候要做吓運動,減吓肥架啦,如果唔係年紀愈來愈大,搞出個「三高」,就認真濕滯。

講到健康,我以前做印刷時,勉強都叫有啲運動(其實係走動),因為部門分布於兩層樓,經常要走上走落送版,運動量都唔少架,都仲算係Fit佬。

但係當我轉行揸的士後,莫講話做運動,連走動嘅機會都唔多。事關我哋每日踩成十幾個鐘,真係除咗食飯同大小二便,基本上都唔會離開個座位。有時開緊工,唔想成日去廁所,真係連水都唔敢飲多滴。喂,揸緊車喎,你估話去就去咩,周時要做忍者小靈精架。加上香港地真係搵食艱難,嚟梗車租可能仲要加三十蚊添。你知啦,手停口停,為咗搵多少少,走多幾轉,有時連食飯都要喺架車度食,你話點會有健康呀!收工後成個人已經散晒,仲邊有精神同體力去做運動。你可以話呢個係藉口,但呢個係事實,哈哈!不過我都會的起心肝,抽啲時間做吓運動。

雖然職業司機唔係最差嘅行業,但係要數「十大最唔健康行業」,我就覺得一定榜上有名。(阿健)

(的士司機想如圖中一眾男士做運動,都可謂相當奢侈)

(《蘋果日報》圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年1月19日 上午11:00

發表評論

讀取中…
游清源網誌│中國官場深層次貪腐結構