提早佔中│梁振英首公開回應 CNN發文:訴諸情緒無補於事

阿健網誌│冇佔中小便神器傍身,點算?

2014-9-28 13:01
字體: A A A

人有三急好正常,要解決可以去公廁、商場、食肆,但作為職業司機就未必能隨心所欲,話去就去。水飲得少固然對身體唔好,但飲得太多,就要時時找廁所,但未必個個公廁門口可以停車,落車又怕抄牌,又怕被打劫,所以我哋都急急腳,快快手搞掂。講最慘反而係貨車大佬,排隊入倉時常花六、七個鐘,所以好多貨車大佬早有準備,總有個尿壺跟身,當遇上塞車都可一解燃眉之急。

話說某夜,我接載一家三口由港島去廣播道,一對夫婦跟一個小男孩,小朋友大概四、五歲。去到紅隧口又慢車,正當龜速行車中,小朋友忽然話要尿尿,此時此刻何來可以尿尿呢?

爸爸開口罵:「頭先叫你去又唔去,而家何來有廁所,忍到返屋企先有得去!」而媽媽就安撫口脗:「乖仔,忍一陣,好快到。」我心想,急速行車最快仍要二十分鐘才可到廣播道。此時,水樽?無!膠袋?無!大人可以忍,小朋友何來忍廿分鐘?人急智生,我把車停在一邊,落車從尾箱取出洗車桶一個,大大個桶,唔會滿瀉吧,小朋友可以安心方便。

至於好心有無好報呢?貼士會否多些?車已順利到達目的地,車資不多也不少,按錶收費。而夫婦對我說聲「多謝!」,孩子叫聲「唔該!」已是我當日最大的回報。

(「佔中必備 小便神器」fb 截圖)

請支持我們持續發展,透過PayPal或其他方法贊助我們!
金額:
分類:|發表於2014年9月28日 下午1:01

發表評論

讀取中…
提早佔中│梁麗幗籲勿再計較「騎劫」論 促港人身體力行守護公共空間