Dr. Y網誌│痛不欲「生」 哭的感恩

阿健

-的士佬手記

我叫阿健,的士佬一名,食塵多過你食米,揸車多個你行路。揸一轉的士,甜酸苦辣喜怒哀樂通通見齊。得閒嘅,咪上嚟聽吓我吹水囉。

阿健網誌│香港還有好乘客

2014-1-26 11:00
字體: A A A

天氣回暖番少少,人都精神啲!最近有啲行家知道我寫blog後都好支持,不時畀吓意見我,其中有個friend就話,我成日寫揸的士啲負面嘢,叫我不如講吓啲趣事或開心事。話時話,最近真係有單嘢,都令我幾開心,幾surprise架!可以同大家分享吓。

我地揸的士嘅,通常都要準備「散紙」找贖。話說有日,朝早接到個客,由於剛開工關係,我未有準備太多「散紙」,我咪事先張揚,講定畀個客知:「早晨呀小姐,唔好意思,因為我冇乜『散紙』,麻煩你一陣盡量比『散紙』我呀,唔該晒!」沿途我地都幾好傾,因為短途,所以兜咗一陣就到達目的地。

「多謝 $25.2!」小姐比咗張廿蚊我,之後同我講:「你攞個『散紙』兜黎吖。」真係估唔到……佢竟然將銀包內所有碎銀倒晒落黎,話比晒我喎。我話唔駛咁多喎,佢好客氣話唔緊要啦,俾晒我。當時我反應都嚟唔切,幾唔好意思呀。之後我數數,夾埋有成80幾蚊!幾意外呀!其實有啲乘客都好慷慨,喺度我都想特別鳴謝呢位咁慷慨嘅小姐。

咁當然啦,開心唔係單單建築喺金錢上,我地仲周不時都遇到唔少有禮貌、好好傾,同好有心嘅乘客添。(阿健)

(圖片說明:任何的士司機,都會遇上各式各樣不同的乘客。)

 

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年1月26日 上午11:00

發表評論

讀取中…
有情360網誌│女人心事