阿健網誌│(怕)收到(假)金牛,點算好?

Angelina

-空中飛傭

空中小姐,其實即係空中飛傭,只係一個在飛機上工作的傭工,你睇我好,我睇你好,其實是他也是你和我,打份工啫,得閒咪上嚟講吓是非囉。

Angelina網誌│空姐機師淫亂實錄

2014-2-2 13:30
字體: A A A

由第一篇開始,《852郵報》某員工已經不斷強逼建議鼓勵慫恿我寫「世上有冇Cool魔機師/空姐機師係咪好淫亂?」之類的juicy topic。然而,鑑於所有寫Blog的空姐都澄清過,以及認為此類topic已講到爛的緣故,所以,我一直以玩死自己的「乘客五大惡行」系列來逃避。

我知,無論我點否認,大家都係覺得空姐機師一定會亂搞。Fine,既然擺脫不了stereotype,我就順應民意,寫點空姐機師淫亂故事吧!(自我放棄mode)

航空冷知識:

Crew meal:一般指只供空中服務員享用的餐,但有時,會用作暗喻空姐。
例子:Captain Cool食過好多crew meal喎!
解釋:Captain Cool與很多空姐發生過性關係。

好了,以下是我聽過關於crew meal的故事:

已經是資深艙務長的草莓有嚴重自戀癖,非常享受別人稱讚她似明星,又喜歡跟人分享性經驗。全公司都知她重男輕女,即使做錯同一件事,空姐和空少的下場是天堂與地獄之別。假如空姐主動撩空少或者機師講嘢,更是死罪一條。

其實身材出眾但樣子一般的草莓,也算是食得過的crew meal,對機師更是無微不至的關懷,但由於她已成為同事間的取笑對象,所以很多香港機師都對她敬而遠之。

自信的草莓當然不會因此而氣餒,更遑論放棄覓食。一次overnight flight,一個年輕的機師成為草莓的目標。到了outport 酒店,草莓沐浴更衣後,就穿著浴袍,帶着一把還在滴水的長髮,以及兩杯派剩的雪糕,來到目標的房門前。當然,敲門前擺個性感pose是常識吧。「叮噹!」「Hello,草莓!?(嚇親)」「Hi! Would you care for ice cream or me?」

然後?我都唔知。(別打頭!)

通常這類故事都是當事人自己傳出來。不過最後有無食到,咁就唔知啦(但其實有咩可能會唔食呀,唔通咁夜去人間房捉象棋咩?)話又說回來,其實佢最後有無食到都冇咩所謂,反正,花生我就食咗啦。

至於究竟世上有冇Captain Cool?空姐係咪好容易媾到機師?放心,呢啲老套嘢,我下星期再講。(Angelina)

(網上圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年2月2日 下午1:30

發表評論

讀取中…
陳玨明網誌│愛恨香港的100個理由之7──澳牛算乜?咪走雞最得!