微博傳情網誌│一位老人的九句話!億萬人瘋轉!終身受用

阿健

-的士佬手記

我叫阿健,的士佬一名,食塵多過你食米,揸車多個你行路。揸一轉的士,甜酸苦辣喜怒哀樂通通見齊。得閒嘅,咪上嚟聽吓我吹水囉。

阿健網誌│(怕)收到(假)金牛,點算好?

2014-2-2 14:00
字體: A A A

年近歲晚,社會上特別多偷嘢、搶劫案發生,所以大家都要加倍小心,提防扒手。我哋揸的士呢啲服務性行業,當然唔想歲晚被劫財,過年要食白果啦。不過我想講嘅,唔係比人㩒住嚟搶咁大鑊,而係近日令唔少行家聞風色變的超級一千元偽鈔。我哋好多行家都驚中招唔想收「金牛」,叫乘客盡量畀散紙,畀到固然好,但最慘有時係事與願違。

好似我上星期接到支大旗,由北潭涌去機場,全程二百六蚊左右,個客就拎咗張「金牛」比我,我梗係唔想收啦。你知啦,我哋呢行收到張假銀紙,又唔係專家,又冇紫外光燈,點check呀?!但佢話身上散紙唔夠,只得兩張一千蚊紙同幾蚊雞,仲畀埋個銀包我睇,叫我是但揀一張喇。唉!心諗如果兩張都係假,點揀都死啦!

不過話晒我都係醒目仔,記得之前新聞教過點樣分辨真假鈔,由於關乎切身利益,所以都特別留意。話說假鈔印刷會比較粗糙,但由於今次仿真度極高,所以要睇埋一千蚊既金屬線切口,真的反而係不規則,假鈔就好整齊,其餘用肉眼都好難分嘞。最弊嗰張仲要係獅子銀行添……唉!最終都係是但揀張感覺較好嘅就算。後來,同啲行家飲茶講起單野,大家咪幫手檢查下都話係真嘅,總算冇損失!

其實早幾年前都有假「大牛」,為免招致無謂損失,如果客人散紙唔夠,我寧願收少佢一、二十蚊,都好過收咗張假銀紙。

好啦,踏入馬年,希望大家事事順利,馬年行大運!恭喜恭喜!(阿健)

(《蘋果日報》圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年2月2日 下午2:00

發表評論

讀取中…
Angelina網誌│空姐機師淫亂實錄