劉山青網誌│靈台無計逃神矢

讀者投稿|在高heel與咸蛋之間,我只好站在咸蛋這邊

2014-11-16 18:29
字體: A A A

王迪詩尋日响自己facebook(有十幾萬fans)狂砌元秋,一晚就有幾千個like。
印證咗李懂媽嘅博士論文: “Every woman is enemy to every woman”。

細個嗰時,自己同依家啲學生一樣,好鐘意拯救地球,不過其他同學仔都鐘意扮蝙蝠俠(Batman)、蜘蛛俠(Spiderman)、鐵甲奇俠(Ironman),我小時了了,知道俠好久難做,做到人已經唔錯。
所以李懂媽志願只係卑微咁做個「超人」( Ultraman),鋤強扶弱。

Daisy砌元秋,唔使出動選委會嗰千二條粉腸,都可以預知結果。

世界上有好多野不道德,那渣麵條腸有一大舊屎,不道德,我地立法會有一大班咁嘅議員,不道德,但係最最不道德,係幫人改花名。
人人都有老豆老母生,問都唔問吓,就改人地個名做元秋,身分證個名都仲可以去生死註冊處改(或者註銷),但係花名,就好似CY咁,係害足你一世。

Daisy小姐著住高踭鞋拎住高腳杯,恃住有幾分姿色咬住元秋唔放,啲狗公歸晒邊,人地點還拖?

一係叫鄭校長再公公道道主持一次對話,起碼佢會問 :「王同學,妳時間掌握得麻麻地,俾元同學講吓啦..」

今日,等李懂媽堂堂正正做番個鋤強扶弱嘅超人。

記得三年前,有條茂利叫「浪得虛」登報紙約串嘴Daisy食飯,Daisy响信報回應 :「…他令我的嘴角牽動0.1秒」,最後開價三球。
喂大姐,三百萬嗰陣時可以買兩層日出康城,人地Angelababy收架林寶都只係兩球。

Daisy,Angelababy-都係兩球,你條數點計先 ?

Angelababy今年25, Daisy 你大人地十年有多,邊個會肯掟三百萬同你食飯呢?

所以話,唔好以為自己又後生又索過元秋,就當人係地底泥,時間好快過,當有朝一日你夠pop公開串爆一個比自己年輕貌美嘅索女,咁就真係有料到啦。

利申 : 舊年今日(15/11/2013),李懂媽响facebook都砌過元秋《除了馬拉拉,蔣麗芸知道阿比雅是誰嗎?》

(撰文:李懂媽)(香港作家王迪詩fb圖片)

請支持我們持續發展,透過PayPal或其他方法贊助我們!
金額:
分類:|發表於2014年11月16日 下午6:29

發表評論

讀取中…
轉載│浸大學生會回應陳新滋校長拒頒畢業證書之公開信(明日畢業禮帶黃傘拒受陳新滋頒畢業證書)