8仔筆記│五大退場條件一個都無  佔領者隨時留守至聖誕

天主教香港教區輔理主教夏志誠:我唔係好睇到佢哋(宗教人士)走得好前,佢哋只係將教會對社會的關懷,對政治應該有的立場表達出來。

2014-11-18 23:21
字體: A A A

聖公會教省秘書長管浩鳴日前接受無綫新聞部節目《講清講楚》訪問時表示,宗教人士不應在政治問題上站得太前,因為會令教會尷尬,也讓無宗教背景人士誤以為基督徒想法激烈。天主教香港教區輔理主教夏志誠接受港台《自由風自由 PHONE》專訪,被主持問到是否會認為現時有宗教人士「企得太前」時,就直言「佢哋只係將教會對社會的關懷,對政治應該有的立場表達出來。」至於引起教區尷尬?他更直接回應「冇喎!」

夏志誠主教同時高度肯定現時學生在佔領運動中的表現,又為學生未能上京感到可惜,「中央政府能有咁的機會表現佢嘅胸襟,學生咁單純,你表現下關懷,或者學生會有轉變呢?」他認為學生就像子女,「如果唔係非理性,佢哋繼續堅持,亦有尊重,我希望大家(政府跟學生)可以有機會多啲交談」。

對於有人批評學生表現有欠尊重,夏主教並不認同,「學生佢哋有好多考慮,以年青人水準,可以話相當尊重,或者有時情緒少少,但絕對明白,大人都會啦!」

他重申,教會不是一言堂,「我哋有大原則,如關懷社會,又或2017年選舉要做到實質的民主,但每個人可以睇佢自己能力良心去表現出來;我唔係好明咩叫走得太前!教會有唔同聲音,在同一個大原則底下,我地教會有容乃大,可以容納不同聲音,教會其實係社會的縮影,只不過社會近期就收窄得好犀利,但我哋唔能夠因為社會咁,就唔叫人做不同嘅嘢。」

夏主教並寄語政府應跟學生對話,「政府擁有公權力,可以做好多嘢,但佢嘅諗法同方向,唔係向深層次尋找一啲解決之道,唔係話學生做啲嘢犯法,所以唔同犯法嘅人傾,如果收窄到淨係你犯法我唔同你傾,咁我哋要問深啲,點解佢寧願犯法,瞓五十幾日街,好大犧牲。點解佢哋願意為香港未來咁樣犧牲呢?一個關心人民嘅政府,最少肯同大家傾吓。」

請支持我們持續發展,透過PayPal或其他方法贊助我們!
金額:
分類:|發表於2014年11月18日 下午11:21

發表評論

讀取中…
四方平台議清場 單仲偕稱暫未有條件發動辭職公投