國泰一機組人員遭上海拒入境 疑涉參與佔領

轉載│學民思潮懶人包:點解要阻住你?V2

2014-11-20 11:24
字體: A A A

歡迎各位自行列印懶人包,向你的親朋戚友傳遞雨傘運動的訊息。
下載連結:http://www.sendspace.com/filegroup/W%2FeKOJrAndsAHK0DW%2Fi%2BQA

點解要阻住你?

學生想和香港政府對話 林鄭關上對話大門
學生想和中央政府會面 學生被註銷回鄉證
學生曾經寫信給習近平 至今卻沒絲毫回音
學生選擇和平佔領街道 警察無理濫用私刑

學生釋出善意 政府態度強硬 我們怎能撤退

Q 有民主梗係好啦,但係香港人要嘅係安居樂業啊。

正正係為咗更好嘅生活,我哋先至要企出嚟爭取真普選。現時社會表面上是在穩步發展,但政府其實就正正許多家庭,尤其是基層人士生活被破壞的罪魁禍首:大學畢業生十年來的薪金都徘徊在一萬元左右,更何況一些更基層的工作,根本係連加人工嘅機會都無。上車買樓當然越嚟越難,但劏房租金每年上升兩成,即使只係想租間劏房住都難上加難。

Q 每個人初初出嚟做野都係咁㗎啦,呢啲野又關政府咩事啊?

其實大家生活嘅苦況同政府的政策係息息相關嘅。例如租金上昇嘅問題,98年前就有租務管制的法案,阻止租金連年上升,亦不容許業主刻意提高租金來「迫遷」。98年取消了條例之後,香港普遍的租金連年上升,令許多租戶百上加斤。即使唔講咁遠,港鐵、巴士、電費加價,全部都要政府批准,政府的政策要關顧市民,大家嘅生活才能夠改善。

Q 等陣,你講嘅呢啲嘢同真普選有咩關係?真普選可以當飯食嘅咩?

當然,普選唔能夠即刻令到貧苦大眾嘅生活有所改善。但係如果我哋無一個民主制度去監察政府,政府就只會繼續傾斜有錢人。就好似梁振英,竟然可以堂而皇之咁話,政府唔會向月入萬四蚊以下嘅大多數市民傾斜。咁就即係話,一啲有利民生,例如標準工時,規定任何超時工作都需要有補水,呢啲照顧小市民嘅政策根本上就唔會實行。有咗民主嘅制度,小市民先可以掌控政府嘅所作所為,檢查政府開支,改善福利制度,照顧小市民嘅生活。

Q 佔住條路都兩個月啦,兩個月嚟搞到啲商鋪做唔住,點解你爭取真普選就可以阻住大家揾食?

點解啲小舖會做唔住呢?有好多受佔領影響嘅商戶,其實都係希望減租,多過希望佔領者可以撤退回家。因為市中心嘅租金,往往每兩三年就會加租五成至一倍,即使佔領行動影響唔到佢哋,啲小店依然都係生意難做。

我哋明白,佔領行動的確造成好多嘅不便,但我哋所希望爭取嘅,係解決一個不公平的社會制度對我們生活造成的長久不便。如果無一個真普選嘅政治制度,香港嘅政策只會傾斜李嘉誠呢啲有錢人,而最終受苦嘅就只會係我哋每一個市民。

Q 佔領都佔咗成兩個月啦,你哋嘅訴求大家都聽到,點解仲要不斷影響大家呢?

如果當初唔係咁多位市民因為催淚彈而企出嚟,政府都唔會真正地「有商有量」,同學聯嘅同學坐低討論。依家,梁振英同林鄭月娥完全無出嚟回應過任何問題,反而係去做「滬港通」呢啲對我哋生活無咩直接影響嘅政策。

有好多佔領者其實都只係等緊一個交代,要求政府交代為何一個唔喺「五步曲」規定嘅人大831決定係符合法律、交代警察為何要濫用私刑,縱容黑社會鬧事。但如果政府連絲毫正面回應都俾唔到市民,又點可以說服市民撤退呢?

《我們被迫影響民生,皆因本已民不聊生》

佔領的目的,並非只是為了每四、五年可以投一次票,亦並非只是為了踢走梁振英,或爭取泛民的「入閘」。現在的政經制度,保障的只是少數人的利益,而大部分市民,就成為了犧牲品。我們堅持佔領,正正是為了扭轉這個制度,改善市民的生活。如果我們讓財團商家繼續壟斷社會,我們僅有的民生、生活也會慢慢地被消耗下去,受害的,亦只會是廣大市民。

如果我們今天放棄佔領,所放棄的不單是一個真普選的制度,更加是放棄我們的生活與未來。我們並非因為一己私利而站出來,因為如果大家容許香港繼續停留在這個由財閥壟斷,官商勾結的社會制度,我們的未來只會一點一點地消失。繼續堅持,不只是為了真普選,更是為了我們的生活。

請支持我們持續發展,透過PayPal或其他方法贊助我們!
金額:
分類:|發表於2014年11月20日 上午11:24

發表評論

讀取中…
長毛膽部劇痛 送院打止痛針