新聞短打 | 鄉民昨「佔領」北角政府合署 劉皇發今籲勿「隨波逐流」

伍模凸區│冇得唔開放大台  實係要解散糾察

2014-11-22 14:51
字體: A A A

我伍模百分之一千支持開放金鐘佔領區大台,以便人人都可以上台發聲,唔使再唱「試問誰還未發聲?」;咁樣,無論係張融、姜融、鳩融,都可以上台反佔中啦,正!

我伍模亦都百分之一萬支持解散糾察,因為啲糾察越嚟越似「狗賊」,淨係識隊啤、隊人,完全冇隊形;咁樣,無論係私煙BB、C眼BB、思春BB,都可以周圍縛黃絲帶,順便帶埋班撐警英雄嚟金鐘佔領區紮營,建立「軍器廠街豪庭」,勁!

我伍模更加百分之一億支持「命運自主」,而極之反對「學聯作主」、「學民作主」、「三子作主」;咁樣,無論係傅振鐘、傅臨終、腐爛中,都可以拎住個大聲公嚟振興金鐘,掂!

我伍模甚至百分之一兆支持衝擊垃圾會大樓,撞爛一塊玻璃根本就唔係暴力,而係「食力」,俾中共睇到香港人一啲都唔驚解放軍;咁樣,習近平就會嚟香港同佔領人士對話(注意:唔係同學聯代表對話,學聯不代表我;而係同全部佔領人士對話,以便到時每一個佔領人士都可以「媽」習總),爽!

總之,我伍模無限量支持將佔領運動發展到更高層次。古有語云「沒有抗爭,哪有運行」,香港人,係時候喺個被竇捐出嚟,一齊佔領全港每一條街,橫掃一切牛鬼蛇神,衝呀!

 

(打手:伍模)

 

(原圖取自:蘋果日報)

請支持我們持續發展,透過PayPal或其他方法贊助我們!
金額:
分類:|發表於2014年11月22日 下午2:51

發表評論

讀取中…
《蘋果》:中共扣押撐佔中「中立」黑幫 脅逼利誘混金鐘隨時搞事