微博傳情網誌│做兩個動作,就能了解個人性格與愛情?

阿健

-的士佬手記

我叫阿健,的士佬一名,食塵多過你食米,揸車多個你行路。揸一轉的士,甜酸苦辣喜怒哀樂通通見齊。得閒嘅,咪上嚟聽吓我吹水囉。

阿健網誌│當啲客話佢哋唔記得帶銀包嘅時候…

2014-2-9 13:30
字體: A A A

香港人生活節奏緊張,由於時間緊迫,返工每每都會忘記帶嘢,而銀包就係其中最多人唔記得帶嘅嘢。冇錯,今次就係想同大家講吓啲客人忘記帶銀包嘅事。

第一件事就係,有一次早上載個客由筲箕灣去灣仔稅務大樓,去到目的地時,個客先同我講話冇帶銀包,當時我話「咁算啦,幾十蚊(其實可以點啫)。」但佢叫我留個電話號碼畀佢,佢話上去稅局攞少少嘢,一陣會返番筲箕灣,叫我等等佢。我等咗10分鐘度,佢打畀我,問我係邊,我話係下面,兩分鐘後佢真係出現,載返去佢上車位置,之後佢上咗屋企,轉頭攞返兩百蚊畀我,仲係咁講唔好意思,又讚我好人添!

但有個行家就冇咁好彩,據聞佢有次載咗個外表斯斯文文嘅女仔,沿途都幾好傾,經歷同我差唔多,又係冇帶銀包,佢話咁放低袋嘢先,上樓攞錢後轉頭返落嚟攞番,叫我行家等等佢。行家等咗15分鐘度,發覺好似唔對路,轉身睇吓個紙袋有啲乜。唔睇由是可,一睇把幾火,真係得個「紙…袋…呀!」我聽到呢一度,三個字「有冇搞錯呀!幾十蚊都呃!」呢次行家真黑仔……。

人,真係一樣米養百樣人。有時真係睇自己點去演繹,你可以選擇做好人,又可以選擇做衰人,悉隨尊便。但我深信一句話──「人在做,天在看。」(阿健)

(《蘋果日報》圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年2月9日 下午1:30

發表評論

讀取中…
Angelina網誌│張智霖係飛機師?詹培忠就有你份!