阿健網誌│當啲客話佢哋唔記得帶銀包嘅時候…

Angelina

-空中飛傭

空中小姐,其實即係空中飛傭,只係一個在飛機上工作的傭工,你睇我好,我睇你好,其實是他也是你和我,打份工啫,得閒咪上嚟講吓是非囉。

Angelina網誌│張智霖係飛機師?詹培忠就有你份!

2014-2-9 13:00
字體: A A A

原來航空界甜故,真係爛極都仲有好多人鍾意睇,我真的認輸鳥。截稿前,上一篇〈空姐機師淫亂實錄〉在網站竟然有410個share,達至奴婢寫Blog以來的高峰,Yeah!

我有理由相信,當中超過六成的share是來自航空界的同業。因為前幾日我和同事食飯時,有同事睇睇吓facebook就問:「有無睇過草莓篇嘢呀?好正呀!」我當堂嚇一跳,然之後得啖笑,全程緊係暗爽住扮唔知。而據資深同事透露,草莓故事的真正結局原來係:機師「呯」一聲把房門關上,送咗個檸檬俾草莓食,可憐的草莓當晚唯有食自己……

好啦,言歸正傳,今次要解答很多人想問的一條超級老套問題。

問:究竟世上有冇Cool魔咁靚仔的機師?

答:有!一定有!但我未見過!

香港大部份的機師都是外國人,尤其以澳洲人為主。因為澳洲的農夫都是揸小型飛機打理農田的,揸下揸下,唔爭在咪去考埋機師囉。電視中的Captain Cool,是空軍出身;現實中的機師,卻是農夫出身,真係好鬼諷刺。

睇出身太膚淺?咁睇外型啦!

100個機師裏面,大約有1個Captain Cool,10個自以為係Captain Cool,15個年輕的街邊路人,15個擁有正常身型和髮量的中年大叔,50個詹培忠,9個女機師。(加埋好似啱啱係100……)係!你冇睇錯,100個機師裏面有50個詹培忠!係呀!都話你冇記錯咯,就係「barcode頭」嗰個詹培忠呀!大肚腩又少頭髮,好彩啲咪似聖誕老人囉,唔好彩就係詹培忠呀!

至於一千零一個的Captain Cool,唔好意思,通常都是已婚的,除非你有信心打敗袁詠儀,唔係都幾難搶到張智霖。再者,老實說,你去A&F走一轉,遇到未婚Captain Cool 的機會應該大好多,使咩考空姐咁費時失事呀!

當然,仲有另一個問題未答,關於空姐和機師係咪好容易搭上呢回事,下集再講。

P.S. 新年派糖,送多個真人真事的甜故益吓大家:

雖然機師周不時有Crew meal 食,但有時唔啱食/唔夠食/無得食,點算好?好簡單,就係叫外賣。我哋呢行最大的好處,係可以去唔同地方試吓當地美食。眾所周知,咱們祖國的美食又平又正,難得去Overnight,當然要把握機會。

副機師小米有次就食出禍了。話說小米去到酒店,就急不及待叫咗兩個俄羅斯菜外賣。外國菜咁刁鑽,仲要打孖上,真係年少多好,頑劣多好。

但,佢高估咗自己的戰鬥力。因為真正的考驗,是在於比倒塔更早的Pick up時間,理智與睡魔之間的大鬥爭。經過一輪激戰,小米已經戰敗倒地,再多的Morning call,也無辦法喚醒小米,最後,Captain和阿姐只好直搗黃龍,「呯!呯!呯!」小米終於醒了,開門一刻,兩名裸女與自己都在眾人的視線之內。那一刻,佢終於明白,下次食俄羅斯菜,都係唔好打孖上咁貪心。(Angelina)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年2月9日 下午1:00

發表評論

讀取中…
陳玨明網誌│愛恨香港100個理由之8──茶記係寶唔係草