即時關注│黃浩銘晚上家門前被捕 正赴金鐘被控非法集結

金鐘清場前夕 黃之鋒的最後專訪(三之一)

2014-12-10 23:08
字體: A A A

波瀾壯闊的佔領運動,勢隨明天警方躲在法院禁制令背後進行終極清場而落幕!佔領運動似乎改變香港很多,但也似乎改變香港很少,最起碼,明天過後,香港仍然沒有真普選,民主程度更是寸步未進,但同時,又有不少人因雨傘運動而覺醒。

佔領運動因人大在831當天連下三閘的決定而埋下伏線,令香港進入抗命的年代,之後有佔中運動啟動,學生罷課,然後就是學生抗命重奪公民廣場,結果因此被捕,而市民為了保護學生而留守,佔中宣布提早佔鐘;然後,就因928當天的87枚催淚彈,令雨傘運動遍地開花,同時帳篷滿佈馬路。

在這重要歷史的一章中,當天手持咪高峰宣布「我哋現在可以進入公民廣場」的學民思潮召集人黃之鋒,在佔領運動第74日的傍晚,即在明天早上清場前夕,於金鐘現場接受《852郵報》專訪,甚至極可能是清場前的最後訪問,談過去七十多天的得失憂患,直言走到今天,係「無贏過,仍都未輸」,但充其量只係距離目標「行近咗」。

「我唔會話好多香港人覺醒咗就叫一個成果,成果係……有一句我成日掛在口邊:『爭取成果不是爭取退場』,我冇當過國際輿論關注就係一個成果,或者公民覺醒係一個成果,呢啲都只不過係一個過程,令到你更加容易達至個成果。」

他直言,香港人覺醒「只係一個方法、一個途徑、一個過程」,但最終仍是要達到一個政制上的改革,才算是真的有成果,「現時呢個成果係近咗,但我唔會自high話我哋行近咗,或者我哋已經成功咗啦!」

那距離這「成果」還很遠嗎?之鋒沉默一刻然後答道:「我只可以講,呢場運動裡面,大家都好唔甘心,包括我!打咗75日,畀過你係一份無料到的民情報告,仲有多方平台,然後就係畀咗一次對話你,無啦,乜都冇啦!但係,在社運非暴力行動裡面,可以用的方法都用晒,有咩招未出過呢?絕食都用埋,但係,我至少會覺得,即使場運動去到呢一步,都唔好自我滿足地覺得已經贏咗。事實上係我哋仲未拎到政制改革的成果。我唔會話咁樣都叫贏,唔通話我《TIME》排第三都叫贏咩!好果件事係轉化到可以畀到中共有種輿論壓力,咁都叫賺左,但無囉!」

請支持我們持續發展,透過PayPal或其他方法贊助我們!
金額:
分類:|發表於2014年12月10日 下午11:08

發表評論

讀取中…
諾貝爾和平獎頒獎禮 促全世界關注兒童權利