游清源短評∣1:一國兩制「再啟蒙」有語癌

陳廷清網誌│預先張揚的爛片

2014-12-14 23:31
字體: A A A

十二月十一日現埸直播,有收視,但睇到我拎歪面。

配角跟主角爭出鏡,班配角磅傍住製片,製片話都拍過咗七十五日,收科戲出鏡點可以冇我份,於是班配角就埋班捧埸陪出鏡,驚班細路主角唔識跟劇本演出,起碼班配角會擺姿势,不過做開大狀的配角,就擺埋D行貨甫士,好似謝幕咁,仲以為自己是擔正主角,唔記得是搭單攝位。

班細路主角,做足七十五日,到收科散了大半,比D識攝位嘅大人,搶咗部分頭位出鏡。

做唱插曲的,跟場跟咗好耐,始终有粉絲, 自己有台型性格,唔使跟班大配角,爭住做謝幕動作,尚深得粉絲歡心,不過有唔少人話佢唱歌跟場有表現,可以晉身醬缸舞台,咁就第日會冇咗現時的單純,各位觀眾要記着今次的表现。

班武指和武打臨記演員,規定要照足劇本做,唔係就被認作唔夠專業,之前揸掍放暗器動作,夠哂専業造詣,但今次是考文戲演技,要配合劇情需要!班龍虎武師臨記,真聽話變哂斯文面口,一係就換人,今場改變戲路,收埋長短掍兵器,暗器更加唔好曝光。班友話導演要配合武術監修落場,點知今埸全文戲,無武可監,武指都變咖哩啡頭,武監直情冇野好做,行一陣現吓相就收工,最緊要鏡頭影到,比佢講幾句對白,怪不得管家婆話佢地全班武打演員夠透明、夠專業。今場個個執到正哂,做咗場收科斯文文藝戲,大家埋位都好合作,bravo! 之前拍的放暗器狂打戲,任自由發揮亂走亂打幾輪,只是最高容忍的専業動作創作,唔夠透明,睇唔到,唔算數!

班主角童星,做咗七十五日,攰到亂哂,觀眾等班武師出來做結局,已經等到悶透,編劇導演都懶到無力加料,真係個個都做戲咁做等收工,收科唔爛都幾難,連這篇文字,都跟住同樣係咁爛,鬥爛!

*同時貼於fb/chantingching

請支持我們持續發展,透過PayPal或其他方法贊助我們!
金額:
分類:|發表於2014年12月14日 下午11:31

發表評論

讀取中…
「商界展關懷」網站驚現「我要真普選」