新聞短打│稱出口未受佔領影響 貿發局隔空摑梁振英一巴

本無網誌│死啦啲青春豆X2 我認真認真無佢收

2014-12-16 21:51
字體: A A A

(前言:想開始試試以口語入文,
以支持本土文化,維護香港人本土語言!
如果打得難睇冗長的話,恕小弟不才!)

年紀仲細,但都算係遠離咗嗰個「青春期」,
一啲以為唔會再發生係自己身上嘅事,
都係發生咗,塊面爆咗幾粒大嘅青春痘。

起初無乜點樣理佢,暗瘡,邊個唔會生先得架?
點知佢就同我越生越大粒,由一粒變三粒,
真係吹到啤一聲!
廣東人做雞有好多方法,所以廣東人嘅智慧真係好勁。
我係廣東人,我就即刻醒起飲涼茶。
治標唔治本,當舒緩下自己嘅心理都叫做好過冇。

飲完涼茶都要上網搵吓點解會生青春痘。
我細個嗰陣都叫做青靚白淨文弱書生一件,
失驚無神爆幾粒出來,你都咪話唔大鑊。
我睇完維基同一啲大陸中醫網嘅結論,
就係都市人壓力太大。

俾佢咁講一講,又係喎!
我呢隻死廢青一個月搵得一皮,
又要拍拖,又想結婚,
女友老母:想食雞脾?有無樓呀?
同我擺十圍先啦阿仔!

又要生存,又想生活,
自己老豆:儲錢炒下野嘢先啦!唔好嘥時間嘥心機作文啦!阿仔!

物價又要加得快,人工又想加得快,
腦細:捱下騾仔先啦!想升職你坐多十年先啦!阿仔!

特首入閘又要阿爺啱,我又想有得揀,
有一男子:月入低過 $14000的無份揀架! 阿哥仔!

所以話我呢幾粒青春痘,
香港入面應該都唔係得我一個獨有。
永遠用錢來遮住香港人嘅眼耳口鼻,
永遠用涼茶來幫香港人打個飛機,
過咗骨就算,點得架?
日日飲涼茶,飲得多唔熱氣都變寒仔喇。
有得食一劑真普選藥,一劑斷尾,
你就偏唔識擘大個死人口去食,
解決唔到啲青春痘,怪得邊個?
真係飲幾多枝雞骨草都搞唔掂。
你有壓力,我有壓力,你做乜挑釁我呀?
唯有日日去鳩嗚,日日都問吓班「專做」清潔掃街同「專業」趴街嘅食環署新同事:「速龍仔」,
請問「積奇蓮」電話幾多號??

P.S. :「積奇蓮」係某美容公司英文名之諧音。

請支持我們持續發展,透過PayPal或其他方法贊助我們!
金額:
分類:|發表於2014年12月16日 下午9:51

發表評論

讀取中…
劉夢熊網誌│重啟政改有何不可?