「殼王」元旦接任TVB行政主席

阿Bob爆seed批政府:俾多幾日侍產假就要撤回,咁都講得出?

2014-12-19 18:34
字體: A A A

藝人林盛斌(阿Bob)育有三名女兒,經常都與記者談論育嬰的開心經歷,也因此特別關心家庭友善政策。

勞工及福利局局長張建宗昨日表明,如果議員將侍產假由三日修訂為七日,就寧願撤回整個草案,而一眾工聯會議員亦屈服接受「袋住先」,三日都收貨。至於自由黨張宇人還說,男士放侍產假前應該要預先通知。

平時少談時事的阿Bob今日也忍不住在facebook爆seed,批評政府收回草案的言論係「咁都講得出」,仲不點名說張宇人「真係好笑」。他最後還說,如果自己公司任何一個員工的老婆生BB,他一定會放足7天假給員工。

阿Bob全文:

乜俾多幾日侍產假個丈夫真係咁困難咩?如果大家唔接受就要收返個草案,咁都講得出?

其實一班高官同某d議員明唔明白,唔係個個市民都有能力請工人、陪月,或者咁好彩有屋企人可以幫手照顧啱啱生完嘅產婦!個老婆生完BB想要多幾日個老公幫手照顧吓自己,關心吓自己啫,乜真係咁冇可能咩?

仲有,請問邊個可以能夠預知自己老婆邊日邊時會作動同穿羊水?要早兩日通知個老闆?真係好笑!

我唔知我係咪一個好老闆,如果我公司任何一個兄弟手足個老婆生BB,我放足佢一個禮拜侍產假,支全薪,兼私人醒封生B大利是!我話嘅!

(阿Bob fb 圖片)

請支持我們持續發展,透過PayPal或其他方法贊助我們!
金額:
分類:|發表於2014年12月19日 下午6:34

發表評論

讀取中…
《經濟學人》:佔領結束 梁振英麻煩未消失