新聞短打│習總訪澳門細路接機 「出行輕裝」完成歷史任務?

讀者投稿|聖誕party與送禮

2014-12-19 21:45
字體: A A A

當大家忙住同班friend搞聖誕party, 除夕倒數的時候,其實我已經不知不覺搞左成2個月。我知你地實問搞咩搞足2個月??你地肯book場搞就一定快靚正啦,但我地堅持年年玩住家feel,在自己屋企搞就真係要搞成2個月。

在家搞派對,有clubhouse都還好,如果住house,由通知左鄰右里邊日開p,confirm人客名單,搵定司機幫人客泊車,安排菜單等等真係一腳踢。忙完聖誕,去到2015,又要準備農曆新年禮物,利是,mark低收左咩帖安排賀禮、覆人去唔去,所以由年尾至年頭,惡祕書塊面最黑就係呢個時間,惡祕書成日話年尾忙就係忙呢d「有勞無功」的東西,仲慘過幫老闆搞deal。

講開過年送禮,大家個腦自然就諗起金莎、藍罐呢類野,唔知大家有無經驗新年收多左一盒,拆都唔拆直接拜年送俾下家呢?其實,屎忽鬼們的世界都係一樣。惡祕書見過最離奇的禮物,就係一次佢以前的屎忽鬼老闆大壽,佢幫手迎賓同收禮,收完禮自然就要拆開影相再入倉入櫃。當惡祕書小心翼翼拆開那橙色尊貴的禮盒之際就發出驚呼聲,全office都以為佢見到炸彈,但後來發現係套茶具,咁同事們就起哄鬧佢叫咩,佢就變張卡出黎,張卡寫住呢份係某名媛送俾城中另一名媛的生日禮物,而好明顯有人借花敬佛。惡祕書之後用其尖酸刻薄的口吻同屎忽鬼老闆講一次,屎忽鬼老闆就話包都唔駛包直接叫司機送返俾名媛,再跟手delete埋名媛個contact。

所以,奉勸大家無論聖誕交換禮物定過年送禮,最好都係拆一拆先循環再用,以免俾人unfriend啦!

(撰文:方太初)(nbc.com圖片)

請支持我們持續發展,透過PayPal或其他方法贊助我們!
金額:
分類:|發表於2014年12月19日 下午9:45

發表評論

讀取中…
劉山青網誌│雙學可考慮另類報告