陳玨明網誌│愛恨香港100個理由之9──香港就快陸沉

陳建平

-事後in

除了是《852郵報》記者,我其實也是香港電台TeenPower《80革命》的主持。每星期訪問一位嘉賓,通常事後總有千言萬語想講,既然如此,索性就來一個事後in,延續那個interview的未完之事。

陳建平網誌│最美麗的一張婚紗相

2014-2-16 11:30
字體: A A A

做咗咁耐節目,通常都是將自己和嘉賓的合照放上facebook宣傳,不過今次,就有啲分別。

今次我放上fb的,是嘉賓以及他未婚妻的合照。點解?好簡單,因為佢哋反對新界東北發展計劃,全力投入捍衞農村,所以就算是結婚,也要將婚禮「政治化」。他們故意留在香港的田園拍攝婚紗相,故意不去什麼台灣歐洲日本,就要想告訴大家,喂,其實香港都好鬼靚架!其實香港都有一些地方,係完全影唔到高樓大廈架!其實如果香港政府唔係「盲搶地」,香港明明仲有一個可供大家放鬆休憩的世外桃源架!

這名中國籍男子兼準新郎叫劉海龍,是一位保育人士,土地正義聯盟成員,講知名度其實就真係唔高(雖然剛剛上了蘋果動!)。但我繼上年請他上來講南生圍問題後,今次又再邀請他做嘉賓,其實原因不外乎兩個:一、想八卦吓佢點解要咁早結婚,同埋結婚後點樣租屋住(呢個係重點!);二、其實也是希望在新界東北發展計劃正式開始前,盡一分力,再告訴大家,喂,有啲嘢冇咗就冇咗架啦,你唔喝住佢,將來只會後悔。

執筆時,剛剛見到有朋友在fb說,「你搵把槍指住我個頭,我都唔信香港真係冇地冇到一個地步,係非要破壞農村不可!」對,高爾夫球場呢?地產商囤積的大量土地呢?那些有錢人先可進入的高級會所呢?市區好多未用的熟地呢?前啟德機場塊地呢?Come on James,唔好當我哋係傻仔啦好冇,今時唔同往日啦,一街都係手機,一天都係google,要搵資料駁你其實好容易啦。

劉海龍告訴我,2月20日前,如果大家覺得要反對新界東北發展計劃的話,可以填寫簡單的反對書給城規會,剎停現正於城規會進行公眾諮詢的計劃,他們更特製了以下這個便利網址:http://goo.gl/PAXOqA

當然,你也有權支持計劃的,歡迎大家盡快向城規會發表意見,以盡公民責任。

最後,我在此祝願準劉氏伉儷,新婚快樂、年生貴子、新界長存、東北永留。講多句,你哋張相真係好靚呀!=) (陳建平)

(圖片來源:戴毅龍@新界東北style)

按此重溫該集《80革命》

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年2月16日 上午11:30

發表評論

讀取中…
Dr. Y網誌│來自一對母女甜蜜的禮物