周永康「預約被捕」後獲釋 斥警搞「公關騷」

陳建平網誌│咁多人翻唱《情人》,你最鍾意邊個?

2015-1-18 15:52
字體: A A A

大陸節目《我是歌手3》淘汰新加坡歌手陳潔儀,引來很大迴響。正當大家以為節目只益「自己友」大陸歌手時,在最新一集中,香港的古巨基卻以一首Beyond粵語歌《情人》奪得冠軍,而且全程沒有嗌歌,賽果算是難得。

其實這已不是基仔首次唱《情人》,早在去年8月的903拉闊音樂會上,他已以差不多的方式演繹過這首歌。小弟甚至認為,呢次唱得好過《我是歌手》中的表演。我成日都覺得,只要古巨基唔好「撚聲」,其實佢唱歌係好好聽。

其他翻唱過《情人》的歌手中,首推當然是歌神張學友。雖然中間唱錯了一句歌詞,但依然聽得好舒服,即使高音也沒有古巨基咁肉緊。這場2004年專門翻唱別人歌曲的「張學友活出生命LIVE演唱會」,當年只演一場,能夠親身聽現場的人實在是非常幸運。

然後,宇宙巨G.E.M.其實在「反攻大陸」之前,3年前在香港演唱會也唱過這首歌。而難得地,真的很難得地,她唱《情人》時算係冇乜嗌歌,雖然最尾都叫咗幾吓,但整體來說都算輕鬆溫柔。做人不應「以人廢歌」,我覺得呢首係幾好聽。

下一個,就是謝安琪,坦白說,我覺得唔好聽,未至於難聽,但唔好聽,完。

跟住,衛蘭都唱過,佢把聲係好好聽,但唔知點解,我很懷疑佢其實唔係好明啲歌詞講咩,好似唱唔到嗰種感情咁。

搵搵吓,見到林憶蓮都唱過,雖然留言區係好評如潮,但我個人唔多buy……(註:影片質素欠佳)

咁多個翻唱者,你最鍾意邊個?當然,我知一定有好多人覺得,最好都係家駒,咁最後我們一起來重溫最原始的版本。

(圖片來源:影片截圖)

請支持我們持續發展,透過PayPal或其他方法贊助我們!
金額:
分類:|發表於2015年1月18日 下午3:52

發表評論

讀取中…
新聞短打│張炳良訛稱無權收回大坑西 扮唔識《收回土地條例》?