粉嶺裁判官再轟水貨客 犯稱未知違法官斥「唔好講大話」

鍾樹根:電影市場在大陸 只拍港產片是「反華反共反到傻咗」

2015-2-9 16:15
字體: A A A

今日立法會資訊科技及廣播事務委員會,討論「創意香港」的工作進度報告。「創意香港」總監廖永亮指,當局透過「電影發展基金」支援電影業,但資金已差不多用完,今年《施政報告》提出注資2億元,下月會交代更多詳情。

談到香港電影發展時,民建聯鍾樹根表示,香港過往有「東方荷里活」的美名,就是因為港產片賣埠到亞洲各地。然而,他認為現在的定位要檢討,「你唔同大陸合拍,你邊有出路呀?……你香港得一個城市,幾百萬人,啲人又唔睇電影,只係睇韓劇」。

鍾樹根續指,如果只係搞本土電影,「咁唔使你做啦,不如交給藝術發展局,本地創作,冇問題,當係一種藝術囉。如果你當係產業,就要開拓市民,根本我地的市場就係大陸!」他又批評,其他支持「自己本地搞電影」的議員是「反華反共反到傻咗」。

為了證明香港本土電影市場已無希望,鍾樹根強調以前灣仔、銅鑼灣有十幾間劇院,「而家得番2間都唔知有冇?」

然而,本報記者上網一查,就發現灣仔、銅鑼灣一帶至少有4間戲院,分別是UA Cine Times、皇室戲院、MCL JP銅鑼灣和總統戲院。身為港島區直選議員的鍾樹根,自己唔做功課,竟然連戲院數量都不清楚就在立法會亂說話,是否反映有人「媚華媚共媚到傻咗」?

(圖片來源:鍾樹根facebook)

請支持我們持續發展,透過PayPal或其他方法贊助我們!
金額:
分類:|發表於2015年2月9日 下午4:15

發表評論

讀取中…
《魔雪奇緣》主題睡房 盛惠150萬元讓女兒變公主