路見筆評 | 陳振彬全盛時期處理幾多青年(染紅)事務?

本無網誌│盲‧探

2015-2-10 22:20
字體: A A A

醫生!醫生!我手機睇唔到電視,我係咪盲咗呀!

這是一個電訊廣告的對白,每次睇到都會莫名地笑了出來,演員誇張之餘,又真實得很。
佢為了可以在智能電話看電視,走訪尋問各個專業人士,最後醫生一嘢插佢對眼,
飛落張櫈度,碌下碌下就碌咗去嗰間電訊鋪,
最後佢因為這間電訊鋪嘅教學,佢終於睇到佢想睇嘅電視。

每次看也會自不然會問:睇電視點解要用電話睇?
走出客廳,執起搖控,開了電視,輕輕鬆鬆,
撳來撳去都係得兩個電視台你揀。
咁先要用這樣小尺寸的螢幕尋尋覓覓。
因為電視裏的電視台才不會給你看到你想看的東西。
想看些有層次要思考的劇集,卻只會有一些不用費神片面都能諗出來的wtfbbq劇集;
想看些比較真實中立的新聞報道,卻只會看到離地又偏頗的新聞;
想看些香港各個歌影視範疇藝人的娛樂新聞,卻只看到電視台力捧的歌影視藝人。
幸而是科技進步,想覓得到這些的人,也能用網絡能用智能電話覓到一些想看的東西,
所以即使電視節目能在客廳的電視機內看,
我也不願走去開,不願多看。
寧可開個電腦睇電視。
其實都幾反智,電視不在電視機播,
正如電話主要用途唔係用來講電話一樣,
但更反智的是一台獨大打盡天下飛機,
一台爛到沒人覺得可惜,反智到連人工都俾不起都可以繼續霸住個牌,
得到了政府袒護,保住一個喉舌,
都不願俾香港人有睇電視,選擇資訊的權利。
香港最反智的地方,永遠的是應該保護的不做,
卻永遠會保護著一些雞肋都比不上的東西。
遑論人民自主言論自由,即使切身如地鐵加價,金鋪藥房影響生活需要,
舊一代香港人都會彈出子華名句:係咁架啦!?好出奇呀?
寧願保住高樓價與既得利益者,也不願再冒著如老懵董的「八萬五」的危險,
為有需要嘅人建屋;
寧願配合中共統戰,也不願為香港人多做點事,上至特首,下至區議會主席,
為加官為進爵,為的也只是自利;
寧願放一件垃圾在電視界阻路,也不願給香港人有開眼目嘅機會,
做一群井底溫水蛙就是政府的管治方針。
這就是我們生活的香港。

正值亞視有幾個嫌錢多的紅色資本家落叠,
衷心祝福他們可以千秋萬世為世人填補宇宙黑洞。
而維基王的港視收視最近跌入滑鐵盧的境況,
容我在此講聲加油。
辛苦了王先生出心出錢出力為了香港人有得揀,為了維護香港人的有得揀的權利,
為了打破既得利益者的壟斷,我不會說它是最好,
要服侍著香港人輸打贏要,喜惡快過海嘯的性情,還是值得珍惜與感激。

醫生醫生,我想問香港人嘅電視機睇唔到電視,我哋係咪盲咗呀?
這個問題我相信就算請墳總落地獄訪問邵逸夫爵士,
怕且佢都答我唔到。

(衛訊 2014 電視廣告 一對一手機教室 一分半鐘版本youtube截圖)

請支持我們持續發展,透過PayPal或其他方法贊助我們!
金額:
分類:|發表於2015年2月10日 下午10:20

發表評論

讀取中…
梁慕嫻網誌│香港出路在哪裏?