追回50萬會否買亞視? 葉劉:不投資管理差的公司

王有光網誌│只要有心,人人都可以是食神

2015-2-12 13:52
字體: A A A

最近潮流興講青年創業。我有一個肥仔朋友開店三個月,做串燒店,落户旺區邊緣,上星期去了試菜。

「你試下串冬菇!」我望見新鮮燒起的鮮冬菇,未食已經聞到香氣,咬一口,又多汁又香口!肥仔朋友呷一口藍妹繼續說:「我哋試過好多方法好多醬汁,始終係最簡單豉油燒最好味!」

然後朋友開始講如何冧掂supplier阿姐傾個靚價入冬菇。話口未完,到食羊架,如果去日本餐廳食,同一大細的香草燒羊架閒閒地盛惠78大元,朋友只賣三份一價錢。咬下去,最先嚐到的是香草味,然後是羊肉油脂的獨特香味,我急不及待吐出一個字:「正!」

肥仔朋友翹起腳,冷靜地指著那塊比我手掌還大的羊架說:「今日呢件已經唔係頂級,因為唔係我燒,如果我燒,呢件嘢更加不得了!」

肥仔朋友是我中學同學,以前是排球隊長,雖然今日肥了三圈,尖面變了雙下巴,但一講起食,風采更勝那些年扣殺得分、場邊師妹尖叫。我想起史提芬周的一句:「只要有心,人人都可以是食神。」

這家串燒店,老闆們全是有正職的二十多歲年青人,開業初期,人人輪流在晚上看店。剛捱過最辛苦的階段,請了一個part time,光是晚上八至二開店,已經收支平衡,最近研究開午市,那就肯肯定可以賺錢了。「有一晚遲收舖,出返OT錢俾part time,不足一小時當一小時,點知個part time笑我太有良心,睇死我賺唔到大錢!仲笑住接過人工!」肥仔朋友語帶自嘲,笑住行去爐邊燒多士。如果一日未有雙普選,朋友應登記飲食界選民,踢走張宇人。

寫影評,最好玩的地方是發現身邊人好像某個電影角色。早幾個月寫了《滋味旅程》,我朋友很有肥仔廚師Carl的影子。「一個人的魅力展現於做自己擅長做和喜歡做的事,如果這件事能夠為他人帶來快樂和意義,即使這只是煮食,即使他是無樣無身材的中年肥佬,也注定要比Ironman用掌心死光炮打敗壞人有型。」

肥仔朋友的確好有型!

請支持我們持續發展,透過PayPal或其他方法贊助我們!
金額:
分類:|發表於2015年2月12日 下午1:52

發表評論

讀取中…
新聞短打 | 特首辦否認《蘋果》干預港大副校遴選指控 未回應劉進圖