有情360網誌│有些笑話不好笑

讀者投稿|九西黃:回應陳假文章〈同理心不可包容入侵者〉

2015-3-14 22:48
字體: A A A

剛在《852郵報》讀到署名陳假嘅「文章」,這篇「文章」除了用「垃圾」來形容之外,我真係諗唔到再貼切嘅形容詞。

第一,係咪個阿媽特登帶埋個女去撩人炒大鑊?定係有一群人懷疑佢係水貨客去指駡佢引起爭執?佢走就唔會有人繼續追上去圍?佢冇做錯就唔可以據理力爭要卑躬屈膝?佢打開咗個箧畀大家睇咁你依家證明咗啲乜?

第二,咩叫「入侵者」?對母女係入侵者定係賊?傳媒煽動誤導?咁你又投稿去〈852〉嘅,咁過癮嘅你?正正就係一班妄動嘅人亂咁鬧錯衝撞錯啲無辜嘅人,令到成件事失焦,你仲可無恥到諉過傳媒大眾,真係連個醜字都未知點寫。好在你只係「認為」要有獨立思考,「認為」係好嘅開始,but you are far away from that。仲有唔該唔好將呢次呢件可恥到不堪嘅鳩衝示威同雨傘佔領運動相提並論,影衰哂。

第三,你贊成錯要認,但又唔會因反對言論限制自己,真係(火羅)咗都要拿番渣灰嘅完美示範。

第四,好高興你支持各有各做。但你那句「見有人用自己唔認同嘅方法抗爭甚至只要立場唔同就覺得人哋做咩都錯嘅態度好有問題」,你係咪講緊陳雲、黄毓民、熱狗,拆佔中大台搞内訌啲人呀?要公道就唔該開篇文狠批下呢班將上述態度發揮到極致嘅人渣。

第五,光復行動見成效?我有極大懷疑,亦言之尚早。就算真係有,對社會文化、核心價值亦做成重大衝擊。自由、人權、私有產權你都可以唔尊重,你講咩民主法治?你係咪自覺目標正確就可以不擇手段?可以改進?點解唔諗清楚目標、手段、底線先做?Rocket science,要諗好耐好難諗?事前諗清楚啲先做好啲論述先去做唔會比只含住一股怒火鳩衝好?

最後,唔該搞清楚走水貨、走私、自由行有乜分別同自己究竟反緊乜先出嚟曬。基本客觀事實都搞唔清咪停留係話人篤灰呢啲是非不分嘅謬論抺黑度囉,矇盛盛咁。

請支持我們持續發展,透過PayPal或其他方法贊助我們!
金額:
分類:|發表於2015年3月14日 下午10:48

發表評論

讀取中…
斯諾登再爆料 中情局謀破解iPhone近十年