本無網誌│震驚!!遊戲界頭條:有傳小島秀夫於年底離開KONAMI

讀者投稿|陳假:依家係都要起三跑你吹得我脹呀!

2015-3-22 16:12
字體: A A A

三跑(第三條機場跑道)成效受多方面質疑,當中更包括前兩任民航處處長,佢地都質疑空域問題係咪解決到,解決唔到跑道成效就會大打折扣甚至跑道只可降落。

(有興趣可以睇下以下有線深入淺出解釋空域問題)

3月17日行會就一意孤行拍板用1400億上馬起三跑,成件事唔使經立會查核質疑,就係因為佢無直接問政府庫房攞錢,其實係咪真係無問過庫房攞錢呢?

睇返佢三個融資渠道:
1)十年唔派息俾息俾政府庫房
2)舉債借錢
3)收$180建設稅

如果下年唔派息即係咩事?換句話即係將下年屬於庫房嘅錢(機場派息)俾咗機場囉,即係行會走咗法律罅呀。

機場要派息俾庫房因為政府係機場股東(仲係單一嗰隻),庫房啲錢本應就係我哋市民都有份,即係我哋市民都係股東之一,點解股東覺得佢哋啲錢用去起一樣成效受質疑嘅嘢無得出聲?條跑道到時蝕錢邊個賠呀?又超資咁又點呀?

借咁多錢又點呢?
舉巨債屬「審慎商業原則」? 機管局違反《機管局條例》?|852郵報
市民如果買債第時搭飛機就交建設稅還返俾自己,諗起都費時失事(戇X)。市民如果唔買債大部分債務落係大財團手,啲稅就益晒大財團。如果跑道成效唔高到時要點還債?要係咁加價?

成件事荒謬到極,但係香港人可以點?林光宇(上任民航處處長)曾經反駁張炳良:「夠膽就公開」中港(空域)協議,如果張炳良話:「係呀,我依家係使你地啲錢,係起條跑道俾大陸用,條跑道蝕硬嘅,你哋香港人可以點?」

學墳總話齋:
// 他 們 就 看 破 你 老 襯 底 , 所 以 才 這 麼 作 惡 的 。

三 跑 如 是 、 國 情 教 育 如 是 。 //

//他 們 分 明 不 搞 海 水 化 淡 、 分 明 不 建 公 屋 、 分 明 是 送 「 歲 幣 」 上 鬼 國 。 你 還 支 持 這 個 政 府 來 做 甚 麼 ?//

問題始終都係我哋俾人睇死惡唔出樣,從來我哋無俾過政府同大陸一次真正有力打擊,政府咪當你流嘅任踩你,政府做咩要起足夠化淡廠俾我哋可以獨立供水?依家係擺明係俾大陸揸住你喉嚨、送你啲錢俾大陸使咁又點?

講起房屋政策先最頂癮,公屋梗係唔起喇,高樓價政策先係製造奴隸嘅精髓所在呀,香港人甘願屈服係高樓價政策之下,樓價幾貴都去追因為驚今日唔買聽日樓價再升,結果樓價租金都扯高晒,香港人半分糧攞去供樓交租,租樓嘅驚無份工就無錢交租,供樓仲衰,成日驚無錢供樓會前功盡廢無咗層樓,結果班香港人做得啲乜?罷工、罷課、罷市一向都係打擊政府絕招,不過依家叫班要交租/供樓嘅人罷工唔出糧係幾難?就算罷可以罷到幾耐?

高樓價政策根本係奴役市民嘅維穩手段,香港人生活係依個泡沫裏面就以為係過住安穩生活,除非依個泡沫爆破令佢哋知道其實一直都係俾人玩緊,否則要香港好難抗爭成功。個泡點先會爆?加息?經濟危機?08年金融海嘯夠大危機喇,百年金融老店(雷曼)執笠,啲人對金融機構失去信心,香港甚至重現銀行擠提,樓價呢?無跌喎,香港人仲係攬住層樓喎。

睇返以前有咩情況樓價實跌呢?就係比金融危機更大嘅危機,例如03年沙士加經濟奇差,89年64事件,67年暴動,衰啲講句我真係擔心依家香港人為咗層樓已經去到唔見棺材唔流眼淚嘅地步,係要搞到咁大鑊先識得真正起身反抗。

(《蘋果日報》圖片)(撰文:陳假,70後 IT 宅男)

請支持我們持續發展,透過PayPal或其他方法贊助我們!
金額:
分類:|發表於2015年3月22日 下午4:12

發表評論

讀取中…
黃洋達藍絲Man達成協議 最遲9月MMA比賽對決