德翼航空A320飛機法國南部失事 逾140名乘客生死未卜

2015年十大平遊歐洲城市

2015-3-24 18:53
字體: A A A

2015話咁快又就嚟過咗三分一,係時候諗吓annual要去邊度鬆一鬆。歐洲相信係不少人好想去嘅地方,不過按一按個荷包,心中默默想一句「這些機會不是屬於我的」,就將目光移往別處。

旅遊網站PriceOfTravel.com日前就更新咗今年嘅「平遊歐洲排行榜」,為讀者揀出15個背包客自由行最化算嘅城市。量度標準包括每日喺市中心租一間三星酒店、坐兩程的士、去一次文化景點、食三餐同飲三杯嘢,加埋嘅使費要幾多錢。記得一邊睇以下嘅城市時,一邊睇吓幾時有得攞假呀!

布加勒斯特,341元(日均消費,下同)
羅馬尼亞首都,著名景點包括羅馬尼亞人民宮、Village Museum及Cotroceni Palace。

索菲亞,348元
保加利亞首都,有2400年歷史,市內的古老建築令人著迷,而當地有名嘅café文化亦可令遊客輕鬆寫意地遊走城市。當然,足球迷都可以參觀索菲亞中央陸軍個球場,兼買件波衫做手信。

基輔,360元
烏克蘭首都,仍保留著不少前蘇聯各時代嘅建築物,亦有宏偉嘅東正教教堂;另外,背包客亦可見證革命過後的基輔,是經已浴火重生,還是仍在掙扎求存。

捷克克魯姆洛夫,382元
捷克一個僅22平方公里大嘅小城鎮,景色優美,舊城區被聯合國教科文組織列入世界遺產。

薩拉熱窩,389元
波斯尼亞首都,經過逾十年嘅戰火洗禮,薩拉熱窩已重新振作過來,成為一個有朝氣嘅城市,既有城市風貌,又有湖光山色。別忘了到Groblje LAV(The Lion Cemetery),紀念在波斯尼亞戰爭中無辜犧牲的「薩拉熱窩的羅密歐與茱麗葉」。

聖彼得堡,393元
俄羅斯第二大城市,號稱俄羅斯最美麗嘅城市,整個舊建築群混合不同年代嘅建築風格,被聯合國教科文組織列入世界遺產。

布達佩斯,397元
布達佩斯素來係背包客嘅「飛佛」之一,價廉物美,不過唔知「布達佩斯大酒店」喺邊度。

克拉科夫,407元
波蘭第二大城市,亦曾係波蘭漑首都,係首批被聯合國教科文組織列入世界遺產,都係嗰句:平靚正!

貝爾格萊德,416元
塞爾維亞首都,尚保留住拜占庭年代嘅建築物,讓遊客感受時代嘅洗禮,而市內嘅沙灘及夜生活亦反映其年輕嘅一面。至於對球迷而言,可能比較想上貝爾格萊德紅星嘅球場朝聖。

斯普利特,483元
克羅地亞南部城市,位於地中海畔及亞得里亞海東岸,聽到都知藍天白雲、景色怡人啦!

其餘五個平遊城市仲包括:薩格勒布(克羅地亞)、維爾諾(立陶宛)、布拉提斯拉瓦(斯洛伐克)、聖托里尼島(希臘)及里加(拉脫維亞)。講咗咁耐,搵到幾時有假未呀?

請支持我們持續發展,透過PayPal或其他方法贊助我們!
金額:
分類:|發表於2015年3月24日 下午6:53

發表評論

讀取中…
8仔筆記│林行止評李光耀│「新加坡共識」極可能取代「北京共識」