新聞短打│黃成智發文撐「袋住先」 今稱聯署計劃「唔係好認真」

菊戲網誌│六君子

2015-4-6 14:02
字體: A A A

《852》真唔話得,畀個後欄我寫部落格,但望有始有終,唔好過分脫稿脫期,搞到《852》燒菊戲後欄為盼。

菊戲缺德無才,月旦時人莫講拍馬,拍火箭都追唔到游公子,所以只想在此分享啲廣播新聞行內,細眉細眼綠豆芝麻事。

亞視近幾天成為新聞焦點,菊戲也想講一點見聞。

講亞視不能不提邱德根,邱生當年搞亞洲電視,論賺錢,後無來者。佢精打細算,錙銖必較,十足廣東俗語講,疴尿都要隔渣。當年亞視冇廁紙供應,員工出糧,規定要用邱生名下遠東銀行戶口轉賬,所以打佢工,預咗要「揸卷廁紙,難攞銀紙」。

但世事就係咁奇,你話亞視當年待遇差,但亞視新聞最廣為人識的光輝歲月,都係邱生揸旗的八十年代。1986年華航機師王錫爵揸飛機「投共」,亞視緊貼報道,跑贏同行幾條街;1989年,亞視採訪隊表現的專業精神,更贏盡行內外尊敬。

1994年,亞視六君子辭職求去,當中潘福炎、呂雲生、劉國華、徐佩瑩、李玉蓮,都捱過邱生治下的儉樸,疾風知勁草,都是錚錚風骨的人物,令人敬重。

(《蘋果日報》圖片)

請支持我們持續發展,透過PayPal或其他方法贊助我們!
金額:
分類:|發表於2015年4月6日 下午2:02

發表評論

讀取中…
新聞短打│陳坤耀三大「妙論」 「意外驚喜」學術自由無被干預