梁振英縮沙 刪改聲明變相承認公民提名

陳建平網誌│《衝鋒車》是一套「假扮」合拍片的港產片

2015-4-5 18:34
字體: A A A

昨日看了電影《衝鋒車》,主要有兩點想講:

一、

睇完戲之後去個電影app度睇comment,好多人留言話「支持港產片」、「終於有高質的港產片了」,但其實大家都搞錯了,《衝鋒車》是一套中港合拍片。

電影的出品公司除了有香港的英皇電影和銀都外,還有大陸的華策影業和愛奇藝影業,所以它其實是中港共同投資的作品。而且電影日前亦已在北京舉行了首映禮,仲有,電影其實有不少的大陸演員,例如姜皓文的女朋友思漩,同埋雪糕妹莊潔夢都係大陸人。

但重點係咩呢?重點係我完全唔會取笑電影app的人講錯嘢,因為呢套電影真係唔似合拍片,簡直同一套純港產片完全冇分別,實在唔怪得大家誤會!

首先,五個男主角全部係香港人,講廣東話,而且電影內笑料非常地道,完全唔覺佢有遷就大陸人口味。而製作單位很巧妙地將大陸演員安排做一些「投閒置散」的角色,例如思漩的對白很少,雪糕妹對白更少,唔講都唔知佢地係普通話人,所以觀眾的突兀感覺很小。

另一點大家或許冇留意的是,其實《衝鋒車》遵守了在大陸上映的必需條件:壞人必須受罰。所以吳鎮字、任達華等四名小賊,最終是自首了並需要坐牢,符合道德標準。如果導演和編劇處理得不好,大家可能會覺得很突兀,但因為四個小賊的角度設定係敢做敢認,所以觀眾看後又會接受到。

而姜皓文等五個殺人不眨眼的悍匪,下場當然更加可悲,死的死,重傷的重傷,同樣符合道德標準。這也解釋了,為何最後吳鎮字等人要去追捕這班悍匪,因為大陸戲院不容許壞人逃之夭夭呀。

至於電影借「蟑螂肆虐」這件荒謬事情來批評特區政府無能,也是另一個成功「走法律罅」鬧政府的巧妙方法。所以,我的感覺係,這是一套「假扮」合拍片的港產片,導演和編劇都很聰明。如果每套合拍片都有這樣的水準,咁就真係皆大歡喜了。

二、

《衝鋒車》完全係一套鬧劇、惡作劇、荒誕片、cult片。而關鍵是,好笑與bad taste,從來都是一線之差,失敗的例子多的是,例如王晶的《猛男滾死隊》之類的電影就是bad taste的表表者。

不過,《衝鋒車》拿捏得好,保留7、80年代的港產笑片感覺之餘,又不會令人覺得老土。而且並非一味賣弄粗口和色情的那種搞笑,而是真的有認真度橋度劇本。這份認真,是電影最值錢的地方。值得留意的是,導演劉浩良今次係首次執導,監製鄭保瑞以往好少拍笑片,反而拍得多暴力片(例如《狗咬狗》和《軍雞》),今次拍到咁好笑的電影出來,實在不易呀。

P.S. 唔該譚耀文拍多D戲啦,否則是香港影壇的損失呀。

請支持我們持續發展,透過PayPal或其他方法贊助我們!
金額:
分類:|發表於2015年4月5日 下午6:34

發表評論

讀取中…
痾痾吓尿,突然有隻猩猩衝入嚟