過億水母佔領英國海岸線│杜連魁

真係正路到咁? 盤點金像獎│皇甫清

2015-4-20 00:14
字體: A A A

第34屆香港電影金像獎圓滿結束,大部分獎項都尚算正路,至少筆者個whatsapp冇畀爆冷嘅賽果瘋狂洗板。雖然如此,都應該來一個盤點,當是總結一下過去一年的香港電影啦!

最佳新人、最佳女配角
新人獎提名五個俾你掃咗三個,想唔俾你都唔得啦王菀之!至於女配角呢,佢喺《金雞SSS》的確係十分搶鏡,不論係造型定係表現上,都好耳目一新。其實鮑起靜喺《暴瘋語》嘅演出都十分出色,只可惜戲份唔夠多,又突然消失,限制咗佢嘅發揮空間,希望可以儘快再睇到鮑姐精彩嘅演出啦!

最佳男配角
首先恭喜曾江奪獎,不過認真,KEN哥喺《竊聽2》嘅陰險股壇大鱷係更出色嘅,再者佢喺呢部戲戲分都唔算多,筆者反而希望吳孟達攞獎,當年佢拍《少林足球》都已經好搶戲,但又不敵大師兄;希望達哥能多拍返香港電影啦!

BTW,林雪贏唔到男配角,有冇巴打爆粗(笑)?

最佳女主角
呢個奬係賽前比較多人談論,因為蔡卓妍喺《雛妓》入面有好大嘅突破,但趙薇又真係無得彈。作為本地膠,如果阿Sa得獎就當然高興啦,畢竟獎項都係用嚟鼓勵具突破嘅演出,不過趙薇贏,都唔會投訴嘅。

最佳男主角
冇懸念,唔講喇。方展博好嘢!

最佳電影、最佳編劇
嚴格嚟講呢,兩個獎都係得三部戲爭啫……

滄海遺珠
《香港仔》,呢部戲係去年其中一部必看電影(筆者睇咗兩次),當中講嘅問題每個家庭都至少中一樣,睇得人好有共鳴,而每位演員都好出色,尤其是吳孟達。

古天樂,佢喺《竊聽3》系列每次演出都有明顯嘅分別,今次就係一個內斂嘅情痴,而又同《香港仔》嘅補習天王比,係另一個人。只可惜佢硬係同獎項冇咩緣,希望佢可以盡快開齋啦!

說到最後……
文首話,筆者個whatsapp冇畀金像獎洗板,其實係咪代表咗冇人再理?而最多人談論嘅,係三位司儀嘅表現,係好係壞,你懂的!

(圖片來源:金像奬fb)(撰文:金剛嬰)

請支持我們持續發展,透過PayPal或其他方法贊助我們!
金額:
分類:|發表於2015年4月20日 上午12:14

發表評論

讀取中…
劉青雲:多謝我太太(郭藹明)……每次當我揸住太空船,飛到宇宙唔知邊度,你總有辦法令我安全返回地球。