港大87%教職員 拒撐李國章當校委會主席

政改公布 泛民三大眾生相│皇甫清

2015-4-22 14:59
字體: A A A

政改方案今早公布,早前已表明會離場抗議的泛民主派立法會議員都沒走數,在政務司司長林鄭月娥宣讀完報告後,即時離場抗議。此外,還有幾個看點值得大家留意。

1. 湯家驊及梁國雄沒隨大隊離場

當政務司司長林鄭月娥宣讀完政改方案,接受議員提問時,梁家傑就率先表示,泛民將會離場抗議。不過梁家傑嘅黨友、「溫和泛民」湯家驊及社民連梁國雄就未有跟隨。

湯家驊固早明言唔會跟隨離場,又唔會加入聯署,因為聲稱已對有關場面感到厭倦,云云。至於梁國雄,就是留下來向林鄭提問,之後就自行離開會議廳,但其後在建制派議員接二連三跟林鄭月娥相答問之際,又忽然現身要求點人,一度激到主席曾鈺成「嬲嬲豬」。

2. 湯家驊留低做乜?

上文講到,湯家驊及梁國雄未有隨泛民大隊離場抗議,後者有向林鄭提問,咁「溫和泛民」留喺議會有咩動作?答案就係:冇!湯家驊不但未有向林提問,仲要畀建制派輪住嚟「問候」,例如陳婉嫻讚佢「有勇氣、值得我尊重」、陳鑑林提到泛民主派議員也有「理性」,連林鄭都讚佢擺個願意傾嘅姿態。湯家驊有咩反應?咪又係坐喺度冇反應囉!

說到最後,湯家驊到底有否提問過?答案都係:冇!須知道,主席曾鈺成最後曾問議員仲有冇提問,換言之,係湯家驊放棄提問,而非爆quota,冇得問。不過在此都要補充一點,佢會後重申會否決政改方案。

3. 其他泛民去哪兒?

唔計湯家驊同梁國雄,離場抗議嘅泛民都係唔夠數,包括獨立議員黃毓民及公共專業聯盟嘅梁繼昌同莫乃光。前兩位未有現身,莫乃光則在離場後,未有會見傳媒。梁繼昌其後解釋話,自己缺席會議,係因為「不屑」政改方案內容,認為現身議事廳只是對自己的侮辱及浪費時間,重申此方案不能接受,不過佢補充有喺辦公室睇直播。

莫乃光就表示自己「冇嘢講」,又不想「兜路走」,重申反對人大8.31決定下的任何方案,希望大家不要捕風捉影。至於唔承認自己係泛民一員嘅黃毓民則未見有解釋缺席原因,但據《蘋果日報》即時新聞報道他已重申,只要政改方案保留功能組別,就會投票否決。

(撰文:金剛嬰)(圖片來源:蘋果日報截圖)

請支持我們持續發展,透過PayPal或其他方法贊助我們!
金額:
分類:|發表於2015年4月22日 下午2:59

發表評論

讀取中…
中五生鉛筆插傷女友陰道判感化 兩人繼續拍拖