學聯:不以學聯名義參與今年六四晚會

菊戲

-新聞後欄

素無大志,自小唔知做乜,好多嘢又唔想做,誤打誤撞混入傳媒搵飯食,惜無力爭跑前線,唯有匿藏後欄,充個新聞小幫閒,權作糊口,也聊作自娛。

菊戲網誌│Showmanship

2015-4-27 17:33
字體: A A A

新加坡少年Amos Yee網上大鬧李光耀,大熱之後變大鑊,隨時要因「蓄意傷害他人的宗教或種族情感(?????),發放猥褻物品及滋擾」罪,可能面臨三年牢獄。

呢位Amos大哥中文名叫余澎杉,頂心杉個杉,都真係冇改錯名,維基話讀書好勁,小學會考,中英數科攞足4條煙,新加坡政府喺後李光耀時代點對待佢,絕對係施政風向標,不能不察。

但令菊戲刮目相看的,並非Amos敢犯顏,而係呢位哥哥仔表演天分,同表達能力都屬超班,菊戲睇過佢條教人講新加坡英文的短片,八分鐘楝篤笑,資料詳盡,令人睇完笑完仲想翻睇,完全符合BBC電視製作要求的To inform and entertain,確係斷線結他,冇得彈!

回看香港啲電視製作,先進硬件從來不缺,金碧煇煌的金像獎頒獎,唔及人家幾張畫紙布景,欠的不單是showmanship,還有是胸中墨。

杉哥仔努力,菊戲祝你有日巨杉成樑,獨力挑起新加坡!

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年4月27日 下午5:33

發表評論

讀取中…
荷蘭設計師打造「骨灰自慰棒」